दाभोळ मंडळात दाखल्यांचे वाटप

- rat१६p११.jpg-
२५N७०९०३
दापोली ः लाभार्थ्यांना दाखल्यांचे वितरण करताना तहसीलदार अर्चना बोंबे, मंडळ अधिकारी बी. एस. राठोड, सरपंच नरेंद्र मांडवकर आदी मान्यवर.
---
दाभोळ मंडळात दाखल्यांचे वाटप
सकाळ वृत्तसेवा
दापोली, ता. १६ ः छत्रपती शिवाजी महाराज महाराजस्व समाधान अभियानांतर्गत तहसीलदार अर्चना बोंबे , मंडळ अधिकारी बी. एस. राठोड, सरपंच नरेंद्र मांडवकर यांच्या हस्ते दाभोळ मंडळातील लाभार्थींना विविध दाखल्यांचे वितरण करण्यात आले.
तालुक्यातील उंबर्ले येथे राज्यमंत्री योगेश कदम यांच्या विशेष प्रयत्नातून दापोली तहसील कार्यालयाचे कामकाज गतिमान होत आहे. या अंतर्गत गावोगावी जाऊन दाखले वितरित केले जात आहेत. दाभोळ मंडळातील कार्यक्रम उंबर्ले जिल्हा परिषद शाळेत झाला. या वेळी तहसीलदार अर्चना बोंबे यांनी विविध दाखल्यांची माहिती व दाखले का काढणे आवश्यक आहेत याची माहिती दिली. अॅग्रीस्टेक दाखल्याचे महत्त्व सर्वांना सांगितले. या प्रसंगी ग्राममहसूल अधिकारी प्रमोद बोरसे, अंजली कांबळे, श्रद्धा बंडे, साफिया मुलाणी, संतोष नाचरे, ओळगावचे नरेश मांजरेकर यांच्यासह तहसील कार्यालयाचे कर्मचारी उपस्थित होते.
---