सावंतवाडीत ‘सकाळ’तर्फे विद्यार्थ्यांचे स्वागत

71004

सावंतवाडीत ‘सकाळ’तर्फे विद्यार्थ्यांचे स्वागत

‘आरपीडी’, ‘कळसुलकर’मध्ये उपक्रम; ‘एनआयई’ अंकाचे वाटप

सकाळ वृत्तसेवा
सावंतवाडी, ता. १६ ः राज्यात आजपासून शाळांमध्ये नवागत विद्यार्थ्यांचा प्रशालेच्या माध्यमातून स्वागत समारंभ पार पडला. तालुक्यातील राणी पार्वतीदेवी हायस्कूल व कळसुलकर हायस्कूलमध्ये ‘सकाळ’च्या माध्यमातून नवागत विद्यार्थ्यांचे स्वागत करण्यात आले. यावेळी प्रशालेने या उपक्रमाचे कौतुक करण्यात आले.
‘सकाळ’ माध्यम नेहमीच वेगवेगळे उपक्रम राबविण्यात आले आहे. शैक्षणिक, सामाजिक, सांस्कृतिक आदी क्षेत्रांमध्ये ‘सकाळ’ नेहमीच अग्रेसर राहिला आहे. शैक्षणिकदृष्ट्या काम करत असताना विद्यार्थ्यांची शैक्षणिक प्रगती होण्याबरोबरच त्यांचा बौद्धिक विकास होण्याच्या दृष्टीने ‘सकाळ’ने ‘एनआयई’ सारखे अंक खास विद्यार्थ्यांसाठी सुरू केले आहेत. त्यामध्ये शैक्षणिकदृष्ट्या आवश्यक असलेली सर्व माहिती देण्यात येते. प्रशालेच्या माध्यमातून तसेच विद्यार्थ्यांकडून या अंकाला भरभरून प्रतिसाद मिळत आहे. आज पहिल्याच दिवशी शाळेत आलेल्या नवागत विद्यार्थ्यांचे स्वागत करताना ‘सकाळ’कडून ‘एनआयई’चा अंक विद्यार्थ्यांना वितरित करण्यात आला. यावेळी आरपीडी हायस्कूलच्या मुख्याध्यापिका संप्रवी कशाळीकर, मुख्याध्यापक एस. एन. पाटील तसेच इतर शिक्षक व शिक्षकेतर कर्मचारी उपस्थित होते. कळसुलकर स्कूलमध्ये मुख्याध्यापक श्री. घुर्ये, नूतन पावस्कर, अरुण भिसे, शिक्षक श्री. वराडकर व इतर शिक्षक उपस्थित होते.