चिपळूण औद्योगिक ग्रामीण संस्थेची २२ जूनला सभा

चिपळूण औद्योगिक ग्रामीण
संस्थेची २२ जूनला सभा
चिपळूण : चिपळूण तालुका औ‌द्योगिक बहुउद्देशीय ग्रामीण सहकारी संस्था मर्या-चिपळूण या संस्थेच्या सभासदांची ५१वी वार्षिक सर्वसाधारण सभा २२ जूनला आयोजित करण्यात आली आहे. सकाळी ११.३० वाजता संस्थेचे चेअरमन मनोहर महाडिक यांच्या अध्यक्षतेखाली चिंचनाका येथील ट्रेड सेंटर कार्यालयात होईल. गणपूर्तीअभावी सभा तहकूब झाल्यास त्याच दिवशी त्याच ठिकाणी सभा अर्ध्या तासाने घेण्यात येईल. सभेच्यावेळी करावयाच्या सूचना, ठराव अगर खुलाशाबाबत सभेच्या तारखेपूर्वी चार दिवस अगोदर संस्थेच्या कार्यालयात कळवण्यात याव्यात. सभेला सभासदांनी उपस्थित राहावे, असे आवाहन संस्थेचे चेअरमन मनोहर महाडिक, व्हा. चेअरमन दर्शन मोरे, लिपिक प्राची गुरव यांनी केले आहे.
------------------
सावर्डे विद्यालय
परिसरात वृक्षारोपण
सावर्डेः चिपळूण तालुक्यातील सावर्डे येथील गोविंदराव निकम माध्यमिक व उच्च माध्यमिक विद्यालयात पर्यावरण दिनाचे औचित्य साधून वृक्षारोपण करण्यात आले. विद्यालयाचे प्राचार्य राजेंद्र वारे, उपप्राचार्य विजय चव्हाण, पर्यवेक्षक उद्धव तोडकर आदी उपस्थित होते. सावर्डे सहाण व शालेय परिसरात वड, पिंपळ व फळझाड रोपांची लागवण करून वृक्षारोपण व संवर्धनाबाबत जागृती करण्यात आली. झाडांचे संवर्धन कसे करावे, याची माहिती विद्यार्थ्यांना देण्यात आली.
---------
जांभरूण शाळेत
पहिलीचा प्रवेशोत्सव
रत्नागिरी ः जांभरूण येथील जिल्हा परिषद शाळेत पहिलीच्या विद्यार्थ्यांचा प्रवेशोत्सव मोठ्या उत्साहात साजरा करण्यात आला. शाळेतील विद्यार्थ्यांचे फुगे, फुलं आणि बक्षीस देऊन स्वागत करण्यात आले. कार्यक्रमाची सुरवात गणेशवंदनेने झाली. या वेळी सरपंच गौतम सावंत, व्यवस्थापन समिती अध्यक्ष अजित सावंत, उपाध्यक्ष प्रविणा साळुंखे, स्थानिक ग्रामपंचायत सदस्य वैष्णवी साळुंखे, शाळा व्यवस्थापन समितीचे सदस्य, पालक, शिक्षक उपस्थित होते. विद्यार्थ्यांसाठी सजवलेली वर्गखोली, बालगीते व नृत्य सादरीकरण, पालकांसाठी मार्गदर्शन सत्र ठेवले होते. सर्व विद्यार्थ्यांना पेढे व चॉकलेटचे वाटप करण्यात आले.
---------