महाळुंगे-राणेवाडी शाळेत विद्यार्थ्यांचे स्वागत

swt1623.jpg
71071
महाळुंगेः राणेवाडी शाळेतील मुलांना पहिल्या दिवशी पाठ्यपुस्तके वाटप करण्यात आली. (छायाचित्र : एन. पावसकर)

महाळुंगे-राणेवाडी शाळेत
विद्यार्थ्यांचे स्वागत
सकाळ वृत्तसेवा
तळेरे, ता. १७ : महाळुंगे-राणेवाडी जिल्हा परिषद शाळेत २०२५-२६ या शैक्षणिक वर्षाच्या पहिल्या दिवशी विद्यार्थ्यांचे स्वागत उत्साहात आणि जल्लोषपूर्ण वातावरण करण्यात आले. शाळेत आलेल्या सर्व मुलांना औक्षण करून पुष्पवृष्टी करण्यात आली. पहिल्या इयत्तेत प्रवेश घेतलेल्या पहिल्या पावलाचे ठसे मुलांना आठवण जपण्यासाठी देण्यात आले.
या स्वागत समारंभाची सुरुवात शाळा व्यवस्थापन समितीचे अध्यक्ष संदीप राणे व मुख्याध्यापक सुनील मांजरेकर यांच्या हस्ते सरस्वती पूजन व दीप प्रज्वलन करून करण्यात आली. नवीन प्रवेश घेतलेल्या मुलांचे फेटा बांधून स्वागत करण्यात आले. यानंतर उपस्थितांच्या हस्ते सर्व मुलांना गणवेश व शालेय पुस्तकांचे वितरण करण्यात आले. यावेळी प्रकाश राणे, अनिल सावंत, प्रवीण सावंत, सुजाता यादव उपस्थित होते. सूत्रसंचालन प्रकाश वाडकर यांनी केले. आभार सुरेखा मोहिते यांनी मानले.