५ जी नेटवर्क एक झपाट्याने बदलणारे तंत्रज्ञान

टेक्नो..........लोगो
(११ जून टुडे ३)

मानवाने मोबाइल नेटवर्कच्या क्षेत्रात खूप प्रगती केली आहे. मोबाइल तंत्रज्ञानाची प्रथम पिढी म्हणजेच १ जी ची सुरुवात १९८० पासून झाली. त्यानंतर २ जी १९९० पासून, ३ जी २००० पासून, ४ जीची सुरुवात २०१० पासून झाली आणि २०२१ पासून ५ जी आले. ५ जी म्हणजे मोबाइलला नेटवर्कची पाचवी पिढी. वेगवान नेटवर्क, अखंडित व उत्कृष्ट सेवा आणि बरेच काही ५ जी तंत्रज्ञान हे सेल्युलर सेवेतील नवे तंत्रज्ञान आहे.
25N71261
- प्रा. तेजस्विनी शिंगे, लवेल, चिपळूण

-----
‘५ जी’ नेटवर्क एक
झपाट्याने बदलणारे तंत्रज्ञान

* ५ जी तंत्रज्ञान म्हणजे काय?
ः ५ जी ची निर्मिती ही या जगातील प्रत्येकाला आभासाने जोडण्याच्या उद्देशाने केली आहे. सर्व इलेक्ट्रॉनिक मशिन, वस्तू यांना एकमेकांशी इंटरनेटच्या साह्याने जोडण्यास ५ जी उपयोगी ठरत आहे. ५ जी मोबाइलला नेटवर्क वापरकर्त्यांना अनेक गिगाबाईट प्रतिसेकंद इंटरनेट स्पीड देण्याची क्षमता ठेवते. गिगाबाईट प्रतिसेकंद म्हणजे एका सेकंदात १ जी पेक्षा जास्त आकाराचा डाटा ट्रान्स्फर करण्याची क्षमता. ४ जी सोबत तुलना केली तर ५ जी चा वेग १०० पटींनी अधिक आहे. ५ जी ची विश्वसनीयतासुद्धा अधिक आहे. ५ जी चा विलंब वेळ मिली सेकंदाइतका आहे. ५ जी मोबाइलला नेटवर्क हे कमी जागेत जास्त मोबाइलला जोडते. हे तंत्रज्ञान आल्याने इंटरनेटच्या साह्याने करायची कामे वेगाने पूर्ण होतात. नेटवर्कच्या अनुपलब्धतेमुळे अधुरे असलेले आधुनिक तंत्रज्ञानाचे मार्ग खुले झालेले आहेत.

* ५ जी तंत्रज्ञान कसे कार्य करते?
कोणतेही वायरलेस उपकरण एकमेकांशी जोडण्यासाठी एका विशिष्ट रेंजची वारंवारता वापरते. ५ जी तंत्रज्ञान सब ६ बँडची रेंज ६०० मेगाबाइट ते ६ गिगाबाईटपर्यंत असते. ५ जी उपकरणे यापेक्षा खूप जास्त म्हणजे २४ गिगाहर्टझ ते जास्तीत जास्त ८६ गिगाहर्टझ वारंवारता वापरतात. जेवढी जास्त वारंवारता तेवढा नेटवर्कचा स्पीड जास्त. ५ जीमध्ये खूप उच्च वारंवारता वापरतात; पण वारंवारतेच्या सिद्धांतानुसार, जास्त वारंवारता मिळवण्यासाठी मोबाइल फोन टॉवरमधील अंतर कमी करावे लागले. ५ जी नेटवर्कसाठी नवीन फोनटॉवर बनवण्यात आले आहेत. त्यांना स्मॉल सेल्स असे म्हणतात. हे आधीच्या टॉवरपेक्षा कमी उंचीचे आहेत व एकमेकांमधील अंतर कमी ठेवावे लागते त्यामुळे उच्च वारंवारता मिळवणे शक्य होत आहे. ५ जी मध्ये अजून एक नवीन तंत्रज्ञान जोडण्यात आले आहे. त्याला बीम फॉर्मिंग असे म्हणतात. त्यामध्ये लहान सेल्सच्या कव्हरेझ क्षेत्रामध्ये वारंवारता चालू राहते. जेव्हा कोणतेही उपकरण इंटरनेट सोबत जोडण्याचा प्रयत्न करते.

- ५ जी तंत्रज्ञानाची वैशिष्ट्ये ः
* उच्च गती ः डाटा हस्तांतरण वेग ४ जी पेक्षा १० ते १०० पटीने जास्त आहे. त्यामुळे ५ जी नेटवर्कवर वर्च्युअल रिअॅलिटी आणि क्लाऊड गेमिंगसारख्या गतिमान ॲप्सचा आनंद घेता येतो.
* कनेक्टिव्हिटी ः अनेक उपकरणांना एकावेळी जोडता येते आणि उच्च डाटा ट्रान्स्फर दर मिळतो.
* लो लेटेन्सी ः लेटेन्सी म्हणजे डाटा हस्तांतरणात लागणार वेळ ५ जी नेटवर्कची लेटेन्सी ४ जी पेक्षा खूपच कमी आहे, ज्यामुळे रिअल टाइम अॅप्ससाठी अधिक चांगले नेटवर्क उपलब्ध झाले आहे जसे की, ५ जी नेटवर्कवर व्हिडिओ कॉन्फरन्सिंगमध्ये थोडाही विलंब जाणवणार नाही.