कुंभवडेतील साकवाची तातडीने दुरूस्ती करा
71560
कुंभवडेतील साकवाची तातडीने दुरूस्ती करा
गटविकास अधिकाऱ्यांचे आदेश; मल्हार नदीवरील जीर्ण साकवाची पाहणी
सकाळ वृत्तसेवा
कणकवली, ता.१८ ः तालुक्यातील कुंभवडे येथील मल्हार नदीवरील जीर्ण झालेल्या टिपरवाडी साकवाची पाहणी आज गटविकास अधिकारी अरूण चव्हाण यांनी केली. यावेळी त्यांनी या साकवाची तातडीने दुरूस्ती करण्याचे निर्देश कुंभवडे ग्रामपंचायतीला दिले.
कुंभवडे गावातील टिपरवाडी येथील साकव धोकादायक झाल्याची तक्रार तेथील ग्रामस्थांनी केली होती. त्यानंतर गटविकास अधिकारी अरूण चव्हाण यांच्यासह विस्तार अधिकारी सूर्यकांत वारंग, बांधकाम विभागाचे शाखा अभियंता गणेश कडुलकर, सरपंच विजया कानडे, ग्रामपंचायत सदस्य संदीप सावंत, अजय पांचाळ, युवासेना विभाग प्रमुख गुरुनाथ पेडणेकर आदींनी केली.
यावेळी गटविकास अधिकाऱ्यांसह अन्य अधिकाऱ्यांनी या साकवावरून चालत जात पाहणी केली. टिपरवाडी येथील साकवाच्या काही सिमेंटच्या काही प्लेट तुटल्या होत्या. या प्लेटच्या खालील असलेले स्ट्रक्चर खराब झाल्याने प्लेट तुटल्याची बाब निदर्शनास आली. त्यामुळे खराब झालेला स्ट्रक्चर चा लोखंडी भाग तातडीने दुरुस्त करा तसेच या प्लेट तुटलेल्या ठिकाणी तात्पुरत्या स्वरूपात लाकडी फळ्या बसवा असे आदेश अरूण चव्हाण यांनी शाखा अभियंता गणेश कडुलकर यांना दिले.
दरम्यान, श्री.चव्हाण यांनी याच भागातील कृपाळवाडी येथील साकवाचीही पाहणी केली. या साकवाचे रेलिंग काही भागात खराब झाले आहे. ते देखील तातडीने दुरुस्त करण्याच्या सूचना सरपंच आणि ग्रामपंचायत अधिकाऱ्यांना दिल्या तर या दुरुस्तीसाठीच्या कामांचे अंदाजपत्रक तातडीने करून देण्याच्या सूचना शाखा अभियंत्यांना दिल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.