ःएआय तंत्रज्ञानामुळे शेतीपूरक व्यवसायांना मिळणार बळ

-rat१८p१०.jpg -
२५N७१४६८
चिपळूण ः एआय तंत्रज्ञानसंदर्भात प्रशांत यादव यांनी राष्ट्रवादीचे अध्यक्ष शरद पवार यांच्याशी चर्चा केली. या वेळी रमण डांगे हे उपस्थित होते.
--------
एआय तंत्रज्ञानामुळे शेतीपूरक व्यवसायांना मिळणार बळ
शरद पवार : प्रशांत यादव यांनी घेतली भेट, संघटनवाढीबाबतही चर्चा
सकाळ वृत्तसेवा
चिपळूण, ता. १९ ः रत्नागिरी व सिंधुदुर्ग येथे एआय (आर्टिफिशियल इंटेलिजन्स) सेंटर स्थापन करण्याच्यादृष्टीने प्रयत्न सुरू आहेत. एआय तंत्रज्ञामुळे कोकणातील शेतीला निश्चितच ऊर्जितावस्था मिळेल, असा विश्वास माजी केंद्रीय कृषिमंत्री तसेच राष्ट्रवादीचे अध्यक्ष शरद पवार यांनी व्यक्त केला.
राष्ट्रवादीचे प्रदेश सरचिटणीस तसेच वाशिष्ठी डेअरीचे अध्यक्ष प्रशांत यादव यांनी नुकतेच पवार यांची भेट घेतली. या वेळी रत्नागिरी जिल्ह्यातील संघटनात्मक बाबींसह कोकणात स्थापन केल्या जाणाऱ्या एआय तंत्रज्ञानासंदर्भात अनेक महत्त्वाच्या मुद्द्यांवर पवार आणि यादव यांच्यात सविस्तर चर्चा झाली. एआय तंत्रज्ञानामुळे दुग्धोत्पादनासह शेतीपूरक इतर अनेक व्यवसायांना बळ मिळणार आहे. त्यामुळे कोकणातील शेतकऱ्यांना आर्थिकदृष्ट्या समृद्ध होण्याचा मार्ग खुला होईल, असा विश्वास यादव यांनी पवार यांच्याशी झालेल्या चर्चेनंतर पत्रकारांशी बोलताना व्यक्त केला. या भेटीत अनेक महत्त्वाच्या विषयांवर चर्चा झाली. त्यात रत्नागिरी जिल्ह्यातील राजकीय परिस्थितीसह संघटनवाढीबाबत चर्चा करून पवार यांनी यादव यांच्याकडून आढावा घेतला. पवार यांनी यादव यांच्याशी कोकणातील कृषी विकासाला आधुनिक तंत्रज्ञानाची जोड देण्यासाठी स्थापन केल्या जाणाऱ्या एआय सेंटरबाबतही सविस्तर चर्चा केली.
---