शालोपयोगी वस्तू वाटप

-rat१९p१८.jpg-
२५N७१७०३
रत्नागिरी : मोरया युवा प्रतिष्ठानतर्फे धामणसे येथे शालोपयोगी वस्तू वाटप.

धामणसेत शालोपयोगी वस्तू वाटप
मोरया युवा प्रतिष्ठानचा पुढाकार ; वृक्षांची लागवड
सकाळ वृत्तसेवा
रत्नागिरी, ता. १९ : तालुक्यातील धामणसे मोरेवाडी येथील मोरया युवा प्रतिष्ठानच्यावतीने धामणसे गावातील शाळांमध्ये शालोपयोगी वस्तू वाटप कार्यक्रम झाला. जिल्हा परिषद धामणसे क्र. १, सांबरेवाडी, जोशीवाडी, बौद्धवाडी, चौकेवाडी, रेवाळेवाडी या शाळांमधील विद्यार्थ्यांना या वस्तू वितरित केल्या.
कार्यक्रमात शालोपयोगी वस्तूंच्या वाटपासोबत झाडांचे भविष्यातील महत्व ओळखून सर्व शाळांना झाडांची रोपे देण्यात आली. एक पाऊल, पर्यावरण संवर्धनासाठी मोरया युवा प्रतिष्ठानद्वारे आयोजित केलेला वृक्षारोपण कार्यक्रम झाला. धामणसे मोरेवाडीच्या ओसाड जागेवर ८० पेक्षा जास्त झाडांचे रोपण केले. आपण ज्या समाजात आणि शाळेत शिकलो, घडलो त्या समाजाप्रती आणि शाळेसाठी काहीतरी देणं लागतो. या विचाराने प्रेरित होऊन समाजसेवेचे हे कार्य मोरया प्रतिष्ठान आपल्या सर्वांच्या सहकार्य करत आहे.