दीपिका आंबेरकर यांना ''योगरत्न'' पुरस्कार जाहीर

swt1930.jpg

दीपिका आंबेरकर

दीपिका आंबेरकर यांना
‘योगरत्न’ पुरस्कार जाहीर
सकाळ वृत्तसेवा
मालवण, ता. २० : आयुष इंटरनॅशनल मेडिकल असोसिएशन, आयुष ग्लोबल मेडिकल असोसिएशन या शासनमान्य संस्था व राष्ट्रवादी काँग्रेस डॉक्टर सेल (आयुष विभाग) यांच्या संयुक्त विद्यमाने देण्यात येणारा ‘योगरत्न’ पुरस्कार तालुक्यातील चौके गावच्या सुकन्या व पुणे येथील मेडिकल योग थेरेपिस्ट दीपिका आंबेरकर यांना जाहीर झाला आहे. या पुरस्काराचे वितरण रविवारी (ता. २२) दुपारी २ वाजता छत्रपती संभाजीनगर येथील यशवंतराव चव्हाण नाट्यगृह येथे आयोजित कार्यक्रमात करण्यात येणार आहे. दीपिका आंबेरकर २०१५ पासून पुणे येथे योग व मेडिकल योग या क्षेत्रात कार्यरत आहेत. योग प्रशिक्षिका व मेडिकल योग थेरेपिस्ट यांसह अनेक पदव्या प्राप्त केल्या आहेत. पुणे येथे काही वर्षे दीपिकाज् योग व थेरेपी क्लासेसच्या माध्यमातून त्यांनी सेवा दिली. त्यांच्या या उल्लेखनीय कार्याची दखल घेऊन त्यांना योगरत्न पुरस्कार जाहीर करण्यात आला आहे.
.................
swt1932.jpg
71840
जामसंडे : श्री. मो. गोगटे माध्यमिक विद्यामंदिरला मृत्यूंजय मुणगेकर यांनी प्रथमोपचार साहित्य दिले.

गोगटे विद्यामंदिरला
प्रथमोपचार साहित्य
सकाळ वृत्तसेवा
देवगड, ता. २० : जामसंडे येथील श्री. मो. गोगटे माध्यमिक विद्यामंदिरमधील कलाशिक्षक मृत्युंजय मुणगेकर यांनी वाढदिवसाचे औचित्य साधून सुमारे दोन हजार रुपये किंमतीचे प्रथमोपचार साहित्य प्रशालेला दिले. मुख्याध्यापक सुनील जाधव यांच्याकडे साहित्य सुपूर्द केले. त्यांच्या या देणगीबद्दल संस्था पदाधिकाऱ्यांनी आभार मानले.