दत्तक-पालक योजनेतून २० विद्यार्थ्यांना शालेय साहित्य

- ratchl२०६.jpg-
P२५N७१९०८
चिपळूण ः तळसर येथे शैक्षणिक साहित्य वाटपप्रसंगी पाऊलवाट फाउंडेशनचे पदाधिकारी.
---
काही सुखद--------लोगो

दत्तक-पालक योजनेतून विद्यार्थ्यांना शालेय साहित्य
पाऊलवाट फाउंडेशनचा पुढाकार ; समतोल शिक्षणासाठी सामूहिक पुढाकार
सकाळ वृत्तसेवा
चिपळूण, ता. २० ः शैक्षणिक साहित्याच्या अभावामुळे अनेक ग्रामीण भागातील विद्यार्थ्यांचे शिक्षण अपूर्ण राहते. याचा विचार करून पाऊलवाट फाउंडेशनने सुरू केलेली विद्यार्थी दत्तक पालक योजना ही गरजू विद्यार्थ्यांसाठी आशेचा किरण ठरत आहे. या उपक्रमातून २० गरजू विद्यार्थ्यांना वह्या, दप्तर, पेन, पेन्सिली आदी शैक्षणिक साहित्याचे वाटप करण्यात आले.
तालुक्यातील तळसर येथील न्यू इंग्लिश स्कूल येथे दत्तक-पालक योजनेतून शालेय साहित्य वितरणाचा कार्यक्रम झाला. या उपक्रमात गरजू विद्यार्थ्यांना वह्या, दप्तर, पेन, पेन्सिली आदी शैक्षणिक साहित्य देण्यात आले. या वेळी पाऊलवाट फाउंडेशनचे संस्थापक डॉ. कृपाल शिंदे, खजिनदार श्रुतिका शिंदे, दिलीप शिंदे, दीपाली शिंदे, रोहित शिंदे आणि सचिन जाधव उपस्थित होते. त्यांनी विद्यार्थ्यांशी संवाद साधून शिक्षणासाठी प्रेरणा दिली. या प्रसंगी शिक्षकांनी सांगितले की, साहित्य मिळाल्यावर विद्यार्थ्यांच्या चेहऱ्यावर आत्मविश्वास झळकताना दिसत होता. शिक्षणाच्या दिशेने पुन्हा एक नव्याने वाटचाल करण्याची उमेद त्यांच्या डोळ्यांत होती. कार्यक्रमासाठी फाउंडेशनचे स्वयंसेवक, शाळेतील शिक्षक आणि दात्यांचे मोलाचे योगदान लाभले. केवळ एका गावापुरता मर्यादित न राहता ही योजना आगामी काळात अधिकाधिक ग्रामीण भागांमध्ये राबवण्याचा मानस पाऊलवाट फाउंडेशनने व्यक्त केला. शिक्षणात असलेल्या असमानतेवर मात करण्यासाठी समाजाने एकत्र येऊन घेतलेला हा सामूहिक पुढाकार निश्चितच प्रेरणादायी ठरत आहे.
---
योजना ग्रामीण भागात राबवणार
पाऊलवाटा फाउंडेशनतर्फे ही योजना आता केवळ एका गावापुरती मर्यादित न ठेवता भविष्यात ती ग्रामीणमधील विविध भागात राबविण्यात येणार असल्याचा मानस सदस्यांनी यावेळी व्यक्त केला.