क.म.शि.प्र. इंग्रजी शाळेत योग दिन

72097

क.म.शि.प्र. इंग्रजी शाळेत योग दिन
कुडाळ, ता. २१ ः क.म.शि.प्र. मंडळाच्या इंग्रजी माध्यमाच्या प्राथमिक शाळेत आज आंतरराष्ट्रीय योग दिन उत्साहात साजरा करण्यात आला. मुख्याध्यापिका मुमताज शेख यांच्या मार्गदर्शनाखाली सकाळी साडेसातला प्रशालेच्या गुरुदक्षिणा हॉलमध्ये विद्यार्थ्यांना एकत्रित करून योग दिवस साजरा करण्यात आला. मुख्याध्यापिकांनी विद्यार्थ्यांना योग दिनाचे महत्त्व समजावून सांगितले. निरोगी शरीर व स्वस्थ मनासाठी योगा अतिशय आवश्यक आहे व योगामुळे एकाग्रता वाढण्यास मदत होते, असे त्या म्हणाल्या. त्यानंतर क्रीडाशिक्षक सूरज गोसावी यांनी विद्यार्थ्यांकडून प्राणायाम तसेच वेगवेगळी योगासने करून घेतली. यात विद्यार्थी उत्स्फूर्तपणे सहभागी झाले.
...............
72098
मडुरा नाबर प्रशालेत योग दिन
बांदा, ता. २१ : मडुरा येथील व्ही. एन. नाबर मेमोरियल इंग्लिश स्कूलमध्ये आज आंतरराष्ट्रीय योग दिन उत्साहात साजरा करण्यात आला. सहशिक्षिका हर्षदा तळवणेकर यांनी विद्यार्थ्यांना विविध योग प्रात्यक्षिके करून दाखविली. त्यांच्या मार्गदर्शनाखाली विद्यार्थ्यांनी सूर्यनमस्कार, प्राणायाम आणि विविध योगासने केली. मुख्याध्यापिका नीती साळगावकर यांनी विद्यार्थ्यांना योग दिनाचे महत्त्व सांगितले. योगामुळे शारीरिक आणि मानसिक आरोग्य कसे सुधारते, यावर त्यांनी भर दिला. या कार्यक्रमाला सहायक शिक्षिका वेलांकनी रॉड्रिक्स, मयुरी कासार, स्वरा राठवड यांच्यासह शाळेतील कर्मचारी आणि पालकही मोठ्या संख्येने उपस्थित होते.