सावंतवाडीत भाजपतर्फे योग दिवस

७२०९९

सावंतवाडीत भाजपतर्फे योग दिवस
सावंतवाडी, ता. २१ ः भाजपच्या माध्यमातून सावंतवाडी येथे आज योग दिवस साजरा करण्यात आला. यावेळी शालेय तसेच महाविद्यालयीन विद्यार्थ्यांनी या शिबिरामध्ये मोठी उपस्थिती दर्शविली.
नरेंद्र मोदी जेव्हा पहिल्यांदा पंतप्रधान झाले, तेव्हा संयुक्त राष्ट्रांच्या परिषदेमध्ये आंतराष्ट्रीय योग दिवस साजरा केला जावा, असा ठराव त्यांनी मंजूर करून घेतला व १७२ देशांच्या मान्यतेने तो ठराव मंजूर झाला. योग हा प्राचीन व वैदिक भारताचा अनमोल ठेवा असून तो जपण्याचे व त्याला आंतराष्ट्रीय दर्जा देण्याचे काम पंतप्रधान मोदी यांनी केले, असे भाजपचे युवा नेते संदीप गावडे म्हणाले. महिला जिल्हाध्यक्षा श्वेता कोरगावकर, युवामोर्चा प्रदेश उपाध्यक्ष लखमराजे भोसले, युवा नेते संदीप गावडे, जिल्हा बँक संचालक रवी मडगावकर, मंडल अध्यक्ष सुधीर आडिवरेकर, मंडल अध्यक्ष संतोष राऊळ, मिसबा शेख, दिलीप भालेकर, सागर ढोकरे आदी मान्यवर उपस्थित होते. या कार्यक्रमासाठी योग मार्गदर्शक म्हणून प्रदीप्ती कोटकर तसेच रिया सावंत यांचे मार्गदर्शन लाभले.
....................
७२१००

आकेरी क्र. १ शाळेत योग दिन
सावंतवाडी, ता. २१ ः जिल्हा परिषद पूर्ण प्राथमिक शाळा आकेरी क्र. १ या प्रशालेत आंतरराष्ट्रीय योग दिन उत्साहात साजरा करण्यात आला. या दिनाचे औचित्य साधत पतंजली योग समिती कुडाळचे श्री. व सौ. प्रभू, श्री. बिद्रे, श्रीम. पार्सेकर यांनी उपस्थित राहून विशेष मार्गदर्शन केले. यात योगप्रार्थना, शिवा चलन, स्कन्ध खिचाव, स्कन्ध चक्र, करिशक्ती संचलन, घुटना संचलन, ताडासन, वृक्षासन, पादहस्तासन, अर्थचक्रासन, त्रिकोणासन, दण्डासन, भद्रासन, वज्रासन आदींची प्रात्यक्षिके दाखवत विद्यार्थी, पालक, शिक्षक यांचा सराव घेऊन मार्गदर्शन केले. यावेळी कपालभारती, अनुलोम विलोन, शीतली प्राणायाम, भ्रामरी प्राणायाम, ध्यान याचे मार्गदर्शन करत प्रात्यक्षिकही घेतले. शांतीपाठाने कार्यक्रमाची सांगता झाली. मुख्याध्यापिका काजल जोशी यांनी आभार मानले.