तालुक्यातील ६०५ दिव्यांग, ज्येष्ठांना साहित्य वाटप

72270

तालुक्यातील ६०५ दिव्यांग,
ज्येष्ठांना साहित्य वाटप
लांजा, ता. २२ः दिव्यांग आणि ज्येष्ठ नागरिकांना दैनंदिन जीवनासाठी आवश्यक साहित्यांचे मोफत वाटप करण्यात आले. यावेळी १६५ दिव्यांग तर ४३९ ज्येष्ठ व्यक्ती अशा एकूण ६०५ जणांना याचा लाभ मिळाला.
सामाजिक न्याय, अधिकारिता व दिव्यांगजन सशक्तिकरण विभाग भारत सरकार, भारतीय कृत्रिम अंग निर्माण निगम कानपूर, समाज कल्याण विभाग जिल्हा परिषद व पंचायत समिती लांजा यांच्यावतीने एडिप व वयोश्री या भारत सरकारच्या योजनेंतर्गत दिव्यांग व ज्येष्ठ नागरिकांसाठी तपासणी शिबिर फेब्रुवारीत झाले होते. या पार्श्वभूमीवर शिबिरातील पात्र लाभार्थींना मोफत साहित्य वाटप करण्यात आले. यावेळी तहसीलदार प्रियंका ढोले, प्र. गटविकास अधिकारी संतोष म्हेत्रे, सहाय्यक गटविकास अधिकारी हिंदुराव गिरी, न्यू एज्युकेशन सोसायटीचे अध्यक्ष जयवंत शेट्ये, भाजपचे माजी तालुका अध्यक्ष चंद्रकांत मांडवकर, शिवसेना शिंदे गट पक्षाचे तालुका अध्यक्ष गुरुप्रसाद देसाई, न्यू इंग्लिश स्कूल लांजाचे मुख्याध्यापक सुनील पाटोळे उपस्थित होते.