विद्यार्थ्यांनी घेतला कलाकृतींमधून निर्मितीचा आनंद

rat22p12.jpg-
72271
वारली चित्रकलेतील चित्रे साकारताना विद्यार्थी.

विद्यार्थ्यांनी घेतला कलाकृतींमधून निर्मितीचा आनंद
जोशी चॅरिटीज् ट्रस्ट स्कूल; सुप्त कलागुणांना मिळाले व्यासपिठ
सकाळ वृत्तसेवा
सावर्डे, ता. २२ : शालेय जीवनात विद्यार्थ्यांच्या सर्वांगीण विकासात कला ही अत्यंत महत्त्वाची भूमिका बजावते. विद्यार्थ्यांमधील सर्जनशीलतेला लहानपणापासून चालना दिल्याने विद्यार्थ्यांमध्ये नाविन्यपूर्ण विचारसरणी निर्माण होते. विद्यार्थ्यांच्या अंगभूत सुप्त कलागुणांचा विकास करणे या हेतूनेच सावर्डे येथील श्री विठ्ठलराव जोशी चॅरिटीज् ट्रस्ट इंग्लिश मिडीयम स्कूलमध्ये कला कार्यशाळेचे आयोजन केले. त्याला यंदा पहिली ते नववीच्या विद्यार्थ्यांनी विविध प्रकारच्या कलाकृतींमधून नवनिर्मिती साधून कलाकृतींचा आनंद अनुभवला.
सावर्डे येथे झालेल्या या कार्यशाळेमध्ये विद्यार्थ्यांनी निसर्ग, कार्टून अशा विविध प्रकारांमध्ये रेखाटन व रंगकाम, थंब आर्ट (बोटांच्या प्रिंट), वारली चित्र, विविध विषयांवर भित्तचित्रे, कागदी फुले, मास्क मेकिंग, ओरिगामी प्रकारातील विविध आकृत्या, स्टोन पेंटिंग, मोझाईक पेंटिंग, क्नाईफ पेंटिंग, स्क्रीन प्रिंट मेकिंग, मोनोप्रींट, लहान मोठ्या आकारांमध्ये पेपर बॅग, आकाश कंदिल निर्मिती, पिस्ता शेल्स पासून चित्रनिर्मिती, कोलाज, टाकाऊ घटकांपासून तसेच कागदी फुलांपासून फ्लॉवर पॉट, पणत्या तसेच इतर सुशोभिकरणाच्या कलाकृती तयार केल्या. या कार्यशाळेमध्ये कलाकृतीच्या सुशोभिकरणासाठी लागणारे विविध साहित्य हे शाळेमार्फत विद्यार्थ्यांना पुरविण्यात आले. विद्यार्थ्यांसोबतच पालकांनी देखील सहभाग नोंदवला होता. शाळेची माजी विद्यार्थिनी कुमारी मैथिली सुवारे ही देखील प्रशिक्षक म्हणून या कार्यशाळेत सहभागी झाली होती. या सर्व कलाकृतीमधून विद्यार्थ्यांमधील कल्पकता, सर्जनशीलता दिसून आली.

कोट
कला कार्यशाळा दहा दिवस असून या निमित्ताने विद्यार्थ्यांचा कार्यकौशल्य विकास, कार्यातील सुबकता, आकर्षकता याबाबतची कौशल्य विकसित करणे त्याचबरोबर संयम, चिकाटी, मेहनत, एकाग्रता, अभिव्यक्ती यासारख्या गुणांची जोपासना करणे हाच एकमेव उद्देश आहे.
- सौ. शरयू यशवंतराव, संचालिका