झाडे लावण्यासाठी खोदलेले ४३ खड्डे बुजवले

rat22p17.jpg
72278
देवरूखः करंबेळे येथे झाडे लावण्यासाठी खोदलेले खड्डे अनोळखी व्यक्तीने बुजवले.
------------
झाडे लावण्यासाठी खोदलेले
४३ खड्डे करंबेळेमध्ये बुजवले
सकाळ वृत्तसेवा
साडवली, ता. २३ः झाडे लावण्यासाठी खोदलेले खड्डे गायब झाल्याची घटना संगमेश्वर तालुक्यातील करंबेळेतर्फे देवळे झोरेवाडी येथे घडली आहे.
याबाबत तुकाराम भागोजी काबदुले (वय ७७) यांनी वडिलोपार्जित जागेत मजूर लावून खोदलेले ४३ खड्डे गायब झाल्याची लेखी तक्रार देवरूख पोलिस ठाणे व जिल्हा पोलिस अधीक्षकांकडे केली आहे. तुकाराम काबदुले हे मुंबई येथे वास्तव्यास असतात. देवळे येथे त्यांची वडिलोपार्जित जमीन व घर आहे. काबदुले यांनी घराजवळील रिकाम्या जागेत १४ जूनला मजूर बोलावून झाडे लावण्यासाठी ४३ खड्डे खोदले होते. १८ जूनला ते मुंबईहून परत आले असता त्यांना खोदलेले खड्डे बुजवण्यात आल्याचे दिसले. हे सर्व खड्डे अज्ञाताने माती टाकून बुजवले असल्याची तक्रार काबदुले यांनी पोलिस ठाण्यात दिली आहे. पोलिसांनी अनोळखी व्यक्तीचा शोध घेवून आपल्याला न्याय मिळवून द्यावा, अशी मागणी काबदुले यांनी केली आहे.