स्काऊटस् आणि गाईडस् शिबिरात लांजा शाळेतील १४ विद्यार्थी यशस्वी

rat२३p८.jpg
७२४७१
लांजाः येथील शाळेतील यशस्वी विद्यार्थी.

स्काऊटस् आणि गाईडस् शिबिरात
लांजा शाळेतील १४ विद्यार्थी यशस्वी
सकाळ वृत्तसेवा
लांजा, ता. २३ ः महाराष्ट्र राज्य भारत स्काऊटस् आणि गाईडस् यांच्याकडून आयोजित केलेल्या चतुर्थ चरण (कब) शिबिर चाचणीचा निकाल जाहीर झाला असून, त्या परीक्षेत लांजा नं. ५ शाळेतील १४ विद्यार्थ्यांनी यश मिळवले.
चतुर्थ चरण शिबिर चाचणी परीक्षा २४ ते २६ फेब्रुवारी रोजी रत्नागिरी येथे जिल्हा प्रशिक्षण केंद्रात आयोजित केली होती. त्यामध्ये १४ विद्यार्थी सहभागी झाले होते. ते सर्व विद्यार्थी पात्र ठरले आहे. त्यात वृषभ कांबळे, आयुष गुरव, सर्वेश कोपरे, सुधांशू आयरे, महादेव पाटील, आरूष चव्हाण, ऋग्वेद जाधव, विहान जाधव, राधेश कातकर, स्वयम रेवाळे, क्रिशांत यादव, प्रल्हाद लांजेकर, आयुष पावसकर व कौस्तुभ मडवी यांचा समावेश आहे.
परीक्षेसाठी बसलेली जिल्हा परिषदेची एकमेव शाळा आहे, ज्या शाळेतील विद्यार्थी या परीक्षेसाठी बसले होते. या यशाबद्दल लांजा तालुक्याचे गटशिक्षणाधिकारी विनोद सावंग, लांजा कन्या केंद्राचे केंद्रप्रमुख चंद्रकांत पावसकर, मुख्याध्यापिका विमल चव्हाण, भाई चौगुले यांनी मुलांचे अभिनंदन केले आहे. पचमढी (मध्यप्रदेश) येथील राष्ट्रीय प्रशिक्षण केंद्रात कब मास्टर साबळे यांनी प्रशिक्षण पूर्ण केले असून, गेली अनेक वर्षे कब मास्टर म्हणून काम करत आहेत.