सुर्यनमस्कार स्पर्धेत हर्षदा धाडवे, सोहम बंडबे प्रथम

- rat२४p२.jpg-
P२५N७२६८४
रत्नागिरी ः हिरबाई गावंड फाऊंडेश आणि देसाई हायस्कूल यांच्यातर्फे घेण्यात आलेल्या सुर्यनमस्कार स्पर्धेतील विजेत्यांसह मान्यवर.

सूर्यनमस्कार स्पर्धेत हर्षदा, सोहम प्रथम
हिरबाई फाउंडेशन, देसाई हायस्कूल ; सांघिक प्रकारात शिर्के प्रशाला अव्वल
सकाळ वृत्तसेवा
रत्नागिरी, ता. २३ः जागतिक योगदिनाचे औचित्य साधून हिराबाई गावंड फाउंडेशन उबर्डे (ता. पेण, जि. रायगड) आणि रत्नागिरीतील मराठा मंदिर अ. के. देसाई हायस्कूल यांच्या संयुक्त विद्यमाने आयोजित केलेल्या आंतरशालेय सूर्यनमस्कार स्पर्धेत वैयक्तीक गटात मुलींमध्ये हर्षदा धाडवे तर मुलांमध्ये सोहम बंडबे यांनी तर सांघिक प्रकारात शिर्के प्रशालेने प्रथम क्रमांक पटकावला.
रत्नागिरीतील अ. के. देसाई हायस्कूलमध्ये ही स्पर्धा झाली. या वेळी श्रीकांत ढालकर, नरेंद्र गावंड, मुख्याध्यापिका प्रज्ञा दळी, श्रीमती शेलार, ज्योती गावंड, परीक्षक श्वेतांबरी शिर्के, श्रीमती एकावडे आणि विविध शाळांचे शिक्षक प्रतिनिधी उपस्थित होते. या वेळी वृक्षपूजन करण्यात आले. हिराबाई गावंड फाउंडेशनतर्फे सर्व मान्यवरांचे वृक्षभेट देऊन स्वागत करण्यात आले. फाउंडेशनच्या सचिव ज्योती गावंड यांनी कार्यक्रमाचे प्रास्ताविकात स्पर्धेचा उद्देश स्पष्ट केला. मुख्याध्यापिका प्रज्ञा दळवी यांनी सर्व सहभागी शाळांना स्पर्धेसाठी शुभेच्छा दिल्या. योगशिक्षक श्रीकांत ढालकर यांनी जीवनातील योगाचे महत्त्व सांगितले. तसेच उत्तम आरोग्यासाठी नियमितपणे सूर्यनमस्कार घातले पाहिजेत, असेही आवाहन केले.
प्रत्येक शाळेतील ४ विद्यार्थ्यांनी सहभाग घेतला होता. त्यामध्ये एक मिनिटाचा वेळ देण्यात आला होता. स्पर्धेत १८ संघ सहभागी झालेले होते. सूर्यनमस्कारासारख्या आरोग्यवर्धक स्पर्धा वारंवार घेण्यात याव्यात, अशी प्रतिक्रिया स्पर्धक व उपस्थित शिक्षक प्रतिनिधी यांनी व्यक्त केली. या स्पर्धेच्या पारितोषिक वितरणावेळी रोहित मयेकर उपस्थित होते. नरेंद्र गावंड यांनी सूर्यनमस्कार व ओंकार यांचे महत्त्व सांगितले तसेच ओंकाराचे प्रात्यक्षिक करून दाखवले.

स्पर्धेचा निकाल
स्पर्धेत यशस्वी झालेले विद्यार्थी असे ः वैयक्तीक मुली अनुक्रमे ः हर्षदा धाडवे (शिर्के प्रशाला, रत्नागिरी), स्वराली रसाळ (विसपुते स्कूल, कुवारबाव), तृष्णा श्रीरधनकर (जीजीपीएस, रत्नागिरी) तर उत्तेजनार्थ गौरी गावडे (महालक्ष्मी विद्यामंदिर खेडशी). मुलगे - सोहम बंडबे (शिर्के प्रशाला), आर्याश पाडावे (विसपुते इंग्लिश मीडियम स्कूल), मयुरेश जोशीलकर (विद्यामंदिर खेडशी). तर सांघिक गट ः रा. भा .शिर्के प्रशाला (प्रथम, रत्नागिरी), सेक्रेट हार्ड कॉन्व्हेंट स्कूल (द्वितीय, उद्यमनगर), मातोश्री कमलाबाई विसपुते इंग्लिश मीडियम स्कूल (तृतीय, कुवारबाव), महालक्ष्मी विद्यामंदिर खेडशी, जीजीपीएस इंग्लिश मीडियम स्कूल ((उत्तेजनार्थ, रत्नागिरी).
---