पुष्पसेन सावंत महाविद्यालयात ‘पुष्परुही’ सोहळा उत्साहात

72724

पुष्पसेन सावंत महाविद्यालयात
‘पुष्परूही’ सोहळा उत्साहात

‘बी. फार्म’च्या प्रथम बॅचला निरोप

कुडाळ, ता. २४ ः श्री पुष्पसेन सावंत फार्मसी कॉलेजच्या बी. फार्मसीच्या प्रथम बॅचचा (२०२१-२५) निरोप समारंभ ‘पुष्परुही’ भावपूर्ण वातावरणात साजरा करण्यात आला.
व्यासपीठावर संस्थाध्यक्ष भुपतसेन सावंत, सचिव संगीता सावंत, परिसर संचालिका नूतन परब व प्राचार्य डॉ. युवराज पांढरे आदी उपस्थित होते. कार्यक्रमाची सुरुवात अध्यक्ष भुपतसेन सावंत यांच्या हस्ते दीपप्रज्वलनाने झाली. अंतिम वर्षाच्या विद्यार्थ्यांनी कॉलेजच्या आठवणींना उजाळा दिला. संस्था व कॉलेजप्रती प्रेम व कृतज्ञता व्यक्त केली. प्राध्यापक व व्यवस्थापन समितीचे सदस्य यांनी विद्यार्थ्यांना मार्गदर्शन केले. अध्यक्ष सावंत, नूतन परब व प्राचार्य डॉ. पांढरे यांनी मार्गदर्शन केले.
यावेळी सर्वोत्कृष्ट विद्यार्थी पुरस्कार साक्षी रूखे हिला प्रदान केला. अंतिम वर्षाच्या सर्व विद्यार्थ्यांना संस्थेतर्फे स्मृतिचिन्ह दिले. गोव्यात झालेल्या ‘मिसेस गोवा स्पर्धेत थर्ड रनरप व बेस्ट पर्सन्यालिटी’ असे पुरस्कार मिळविलेल्या महाविद्यालयाच्या सहायक प्रा. माधवी शहापूरकर यांचा सत्कार करण्यात आला. अंतिम वर्षाच्या विद्यार्थ्यांच्या मागील वाटचालीवर आधारित चित्रफित दाखविली. प्रथम वर्षाचा विद्यार्थी निहार मुंज व विद्यार्थिनी दीक्षा गावडे यांनी सूत्रसंचालन केले. अलिषा हिने आभार मानले.