महाआरोग्य शिबिरास खारेपाटणमध्ये प्रतिसाद

swt249.jpg
N72734
खारेपाटणः महाआरोग्य शिबिराचे उद्घाटन करताना डॉ. ऋषिकेश घाटगे. बाजूला रमाकांत राऊत, प्रा. संजय सानप, मंगेश गुरव आदी उपस्थित होते. (छायाचित्र ः एन. पावसकर)

महाआरोग्य शिबिरास खारेपाटणमध्ये प्रतिसाद
भाजपचा पुढाकार ः पालकमंत्री राणेंच्या वाढदिनी उपक्रम
सकाळ वृत्तसेवा
तळेरे, ता. २४ : राज्याचे मस्त्य व बंदर विकास मंत्री तथा सिंधुदुर्ग जिल्ह्याचे पालकमंत्री नामदार नीतेश राणे यांच्या वाढदिवसानिमित्त खारेपाटण हायस्कूल येथे आयोजित महाआरोग्य शिबिरास उत्स्फूर्त प्रतिसाद मिळाला. शिबिराचे उद्घाटन येथील भाजप पक्षाचे ज्येष्ठ कार्यकर्ते व माजी सरपंच रमाकांत राऊत व अथायू हॉस्पिटल कोल्हापूरचे डॉ. ऋषिकेश घाटगे यांच्या हस्ते दीपप्रज्वलन करून करण्यात आले.
या महाआरोग्य शिबिराचे आयोजन माजी सरपंच रमाकांत राऊत व रोटरी क्लब ऑफ खारेपाटण यांच्यावतीने करण्यात आले. या कार्यक्रमाला रोटरी क्लब ऑफ खारेपाटणचे अध्यक्ष दयानंद कोकाटे, सचिव अजय गुरसाळे, नडगिवे गावच्या सरपंच श्रीमती मण्यार, कुरंगवणे सरपंच संतोष ब्रम्हदंडे, शेर्पे सरपंच स्मिता पांचाळ, खारेपाटण सामाजिक कार्यकर्ते मंगेश गुरव, संकेत शेट्ये, खारेपाटण हायस्कूलचे मुख्याध्यापक संजय सानप, पर्यवेक्षक संतोष राऊत, खारेपाटण ग्रामपंचायत सदस्य मानली होनाळे, भाजप महिला कार्यकर्त्या उज्ज्वला चिके, विजय सावंत, अरुण कर्ले आदी उपस्थित होते.
या शिबिराला अथायू हॉस्पिटल कोल्हापूरचे डॉ. घाटगे, डॉ. अंकित गुप्ता, डॉ. योगेश जाधव, उदय सूर्यवंशी, विवेकानंद नेत्र रुग्णालय कणकवलीच्या डॉ. प्राची चव्हाण, रमेश जगदाळे, श्रीमती परब, खारेपाटण आरोग्य केंद्राच्या वैद्यकीय अधिकारी डॉ. पेडणेकर, खारेपाटण डॉक्टर क्लब असोसिटचे डॉ. उमेश बालन, डॉ. वडाम यांची प्रमुख उपस्थिती होती. त्यांनी शिबिरात सहभागी रुग्णांची मोफत तपासणी केली व आजारांविषयी मार्गदर्शन केले.
डॉ. जाधव यांनी मार्गदर्शन करताना नागरिकांना उद्भभवणाऱ्या विविध आजारांविषयी सखोल माहिती दिली. या महाआरोग्य शिबिरात डोळ्यांच्या तपासणी, रक्ताच्या विविध तपासण्या, मुतखडा, प्रोस्टेट ग्रंथीचे आजार, लघवीचे आजार, हाडांचे विकार आदींच्या तपासण्या तज्ज्ञ डॉक्टरांकडून करण्यात आल्या. शिबिराचा लाभ खारेपाटण पंचक्रोशीतील नागरिकांनी घेतला. आभार संतोष पाटणकर यांनी मानले.