विद्यार्थ्यांना वस्तू वाटप

rat२२p१०.jpg-
२५N७२२५२
श्री लक्ष्मी केशव विद्यालयातील विद्यार्थ्यांना एनजीओ संस्थेकडून विविध वस्तूचे वाटपाच्यावेळी उपस्थित मान्यवर.

‘लक्ष्मी केशव’मध्ये शैक्षणिक साहित्य वाटप
सकाळ वृत्तसेवा
रत्नागिरी, ता. २५ः जीवन विद्या मंडळ कसोप-फणसोप (मुंबई) संचलित श्री लक्ष्मी केशव माध्यमिक विद्यालयातील अनेक गरजू विद्यार्थ्यांना ‘विथ आर्या, दोन घास’ एनजीओ संस्थेकडून दप्तर छत्री आणि आठवी ते दहावीतील मुलींसाठी सॅनिटरी पॅड या वस्तूंचे वाटप करण्यात आले.
‘विथ आर्या, दोन घास’ एनजीओ संस्था ही अनेक वर्षे सामाजिक शैक्षणिक काम मोठ्या प्रमाणात करत असून सॅनिटरी पॅड हे या संस्थेचे उत्पादन असून त्याचं वाटप सर्वप्रथम श्री लक्ष्मी केशव माध्यमिक विद्यालयातील इयत्ता आठवी ते दहावी मधील सर्व मुलींना करण्यात आले. या वेळी जीवन विद्या मंडळाचे अध्यक्ष कमलाकर साळवी, ज्येष्ठ शिक्षक मारुती चौगले, संतोष डोळे, रमा जोशी, साधना कुलकर्णी, आरोही गुरव त्याचबरोबर ‘विथ आर्या, दोन घास’ एनजीओ संस्थेच्या संस्थापक शितल भाटकर, विशू बडगेरी, रिया भाटकर, हर्षद भाटकर, केतकी माहीमकर, राज जैन, शालिनी गोसालिया आदी सदस्य उपस्थित होते.