चिपळूणमधील वाशिष्ठी डेअरीला आमदार किरण सामंत यांची भेट

वाशिष्ठी डेअरीला
किरण सामंतांची भेट
चिपळूण : आमदार किरण उर्फ भैया सामंत यांनी चिपळूणमधील वाशिष्ठी मिल्क ॲण्ड मिल्क प्रॉडक्टस् या दुग्धप्रकल्पाला भेट दिली. या वेळी वाशिष्ठी डेअरीचे चेअरमन प्रशांत यादव आणि वाशिष्ठी डेअरीच्या मुख्य प्रवर्तक स्वप्ना यादव यांनी आमदार सामंत यांचे स्वागत केले. रत्नागिरी जिल्ह्यातून होणाऱ्या दूध संकलनाबाबतही आमदार सामंत यांनी माहिती जाणून घेतली. या वेळी उद्योजक सचिन पाकळे, शिवसेना शहरप्रमुख उमेश सकपाळ, उमेश काटकर, विनोद झगडे, प्रसाद लाड, सिद्धेश ब्रिद आदींसह वाशिष्ठी डेअरीचे संचालक महेश खेतले, अविनाश गुडेकर, प्रशांत वाजे, रमण डांगे, स्वामिनी यादव, सरव्यवस्थापक लक्ष्मण खरात, व्यवस्थापक प्रदीप मगदूम, अधिकारी-कर्मचारी उपस्थित होते.

मराठा महाकुटुंबातर्फे
गुणवंतांचा सत्कार
चिपळूण : येथील मराठा महाकुटुंबातर्फे २८ जूनला गुणवंत विद्यार्थी यांचा सत्कार सोहळा आयोजित करण्यात आला आहे. अतिथी हॉटेलच्या सभागृहामध्ये सकाळी ११ वाजता चिपळूण शहर तसेच ग्रामीण भागातील दहावी-बारावीमधील यशस्वी विद्यार्थी-विद्यार्थिनी व शैक्षणिक क्षेत्रामध्ये उल्लेखनीय कामगिरी केलेले विद्यार्थी तसेच विविध क्षेत्रांमध्ये आपल्या गुणवत्तेच्या आधारावरती चिपळूणचे नाव रोशन करणाऱ्या युवक-युवतींचा सन्मान करण्यात येणार आहे.