मेढा निवती उपसरपंच प्रज्योत मेतरांचा सत्कार

72892

मेढा निवती उपसरपंच
प्रज्योत मेतरांचा सत्कार

सकाळ वृत्तसेवा
म्हापण, ता. २५ ः मेढा निवतीच्या उपसरपंचपदी प्रज्योत मेतर यांची बिनविरोध निवड करण्यात आली. गोविंद जाधव यांनी आपल्या उपसरपंच पदाचा राजीनामा दिल्याने उपसरपंच पद रिक्त होते. या रिक्त असलेल्या पदासाठी आज निवडणूक घेण्यात आली.
यावेळी उपसरपंच पदासाठी मेतर यांचा एकमेव अर्ज आल्याने त्यांची बिनविरोध निवड करण्यात आली. निवडणूक निर्णय अधिकारी म्हणून ग्रामपंचायत अधिकारी शरद शिंदे यांनी काम पाहिले. यावेळी सरपंच अवधूत रेगे, ग्रामपंचायत सदस्य नमिता घाटवल, शीतल पाटकर, प्राजक्ता निवतकर, प्रकाश खोबरेकर, गुरुष्का कोचरेकर, अनिशा आमडोसकर, तृप्ती कांबळी व ग्रामपंचायत कर्मचारी उपस्थित होते. नवनिर्वाचित उपसरपंच मेतर यांचे सरपंच, सदस्य व कर्मचारी वर्गाकडून अभिनंदन करण्यात आले.