नवोदय परीक्षेतील यशस्वी विभा धुमाळेचा सत्कार

72896

नवोदय परीक्षेतील यशस्वी
विभा धुमाळेचा सत्कार

खारेपाटण केंद्रशाळेची विद्यार्थिनी

तळेरे, ता. २५ ः जिल्हा परिषद पूर्ण प्राथमिक केंद्रशाळा खारेपाटण क्र.१ ची सहावीतील विद्यार्थिनी विभा धुमाळे हिने केंद्रीय स्तरावर घेण्यात येणाऱ्या जवाहर नवोदय विद्यालय स्पर्धा परीक्षेत यश प्राप्त केले. त्याबद्दल तिचा शाळेच्यावतीने सत्कार करण्यात आला.
यावेळी खारेपाटण सरपंच प्राची इस्वलकर, शाळा व्यवस्थापन समिती अध्यक्ष प्राप्ती कट्टी, मुख्याध्यापक प्रदीप श्रावणकर, ज्येष्ठ निवृत्त शिक्षिका स्मिता कोरगावकर, पदवीधर शिक्षिका शीतल राठोड, शिक्षक मिलिंद सरकटे, उपशिक्षिका अलका मोरे, आरती जोजेन, समिधा राऊत, अबिदा काझी, श्री. धुमक आदी उपस्थित होते. सरपंच इस्वलकर व मुख्याध्यापक श्रावणकर यांच्या हस्ते शाल, श्रीफळ व भेटवस्तू देऊन विभाचा सत्कार करण्यात आला. तिच्या मार्गदर्शक शिक्षिका समिधा राऊत, आरती जोजेन यांनाही सन्मानित करण्यात आले. मुख्याध्यापक श्रावणकर यांनी आभार मानले.