-कोकणदीप शिक्षक रत्न पुरस्कार

- rat२५p२.jpg-
P२५N७२९५१
भक्ती सावंत

प्राचार्या भक्ती सावंत यांना
कोकणदीप शिक्षकरत्न पुरस्कार
सकाळ वृत्तसेवा
गावतळे, ता. २५ ः शैक्षणिक क्षेत्रात उल्लेखनीय काम करणाऱ्या व्यक्तींना कोकणदीपमार्फत दिला जाणारा ''कोकणदीप शिक्षकरत्न पुरस्कार २०२५'' दापोली तालुक्यातील श्रीमान मथुरभाई बुटाला हायस्कूल व ज्युनिअर कॉलेज गावतळेच्या प्राचार्या भक्ती सावंत यांना गृहराज्यमंत्री योगेश कदम यांच्या हस्ते प्रदान करण्यात आला.
दादर येथील सुरेंद्र गावस्कर सभागृहात पुरस्कार वितरण कार्यक्रम झाला. सावंत यांचा शिक्षकीप्रवास ८ ऑगस्ट १९९३ ला वाकवलीतील डॉ. विश्राम रामजी घोले हायस्कूलमधून सुरू झाला. ऑगस्ट २०२४ ला त्या श्रीमान मथुरभाई बुटाला हायस्कूल व ज्युनिअर कॉलेज गावतळेमध्ये प्राचार्या म्हणून रूजू झाल्या. सुमारे ३१ वर्षाच्या सेवेत शिवाजी हायस्कूल करंजाणी व जामगे हायस्कूलमधील शैक्षणिक वाटचालीत विद्यार्थी हे दैवत मानून त्यांनी सेवा केली व त्यांच्या अनेक विद्यार्थ्यांनी विविध क्षेत्रात आपली वेगळी ओळख निर्माण केली.
---