ःदहावीच्या चार विद्यार्थींनीना दिले शैक्षणिक साहित्य

काही सुखद-------लोगो

- rat२५p१४.jpg-
25N73036
राजापूर ः राजापूर हायस्कूलच्या माजी विद्यार्थी संघटनेकडून गरजू विद्यार्थ्यांना शैक्षणिक साहित्य भेट देताना उपाध्यक्ष अभय मेळेकर.

दहावीच्या विद्यार्थींनीना दिले शैक्षणिक साहित्य
राजापूर हायस्कूल ; माजी विद्यार्थी संघटनेचा पुढाकार
सकाळ वृत्तसेवा
राजापूर, ता. २५ : राजापूर हायस्कूलच्या शताब्दी वर्षानिमित्त १९९०-९१च्या दहावी बॅचच्या माजी विद्यार्थी संघटनेकडून दहावीत शिकणाऱ्‍या चार विद्यार्थिनींना शैक्षणिक साहित्य भेट देण्यात आले.
शैक्षणिक साहित्य वितरणावेळी राजापूर शिक्षण प्रसारक मंडळाच्या कार्यकारी मंडळाचे कार्यवाह जगदीश पवार, संचालक अनंत रानडे, संदीप मालपेकर, हायस्कूलचे मुख्याध्यापक जगदीश भालशंकर, माजी विद्यार्थी महेश मयेकर, संतोष हातणकर, संदीप देसाई, दीपक गोरे, अविनाश पाटणकर, संतोष मांडे आदी उपस्थित होते. राजापूर हायस्कूलच्या १९९० मधील दहावीच्या माजी विद्यार्थ्यांनी एकत्र येऊन हुशार व गरजू विद्यार्थ्यांचा शैक्षणिक खर्च उचलण्याचा निर्णय घेतला आहे. या उपक्रमाचे हे तेरावे वर्ष आहे. राजापूर हायस्कूलमध्ये झालेल्या या कार्यक्रमावेळी महेश मयेकर यांनी प्रास्ताविकात सामाजिक उपक्रमाविषयी माहिती दिली. तसेच यापुढेही असे उपक्रम राबवणार असल्याची ग्वाही दिली. या वेळी जगदीश पवार यांनी माजी विद्यार्थी हीच शाळेची ताकद असून, माजी विद्यार्थ्यांच्या बळावरच शाळेच्या भौतिक विकासाची वाटचाल सुरू असल्याचे आवर्जून सांगितले तर मुख्याध्यापक भालशंकर यांनी माजी विद्यार्थ्यांच्या या उपक्रमाचे कौतुक केले. मेळेकर यांनी सामाजिक बांधिलकीच्या भावनेतून दरवर्षी राबवल्या जाणाऱ्या या उपक्रमाचे इतर माजी विद्यार्थ्यांनी अनुकरण करावे, असे आवाहन केले.