माणगावात आजपासून आषाढ कीर्तन महोत्सव

73005

माणगावात आजपासून
आषाढ कीर्तन महोत्सव
ओरोस, ता. २५ ः प.प. श्री वासुदेवानंद सरस्वती स्वामी महाराज पुण्यतिथीनिमित्त कीर्तनगंगा परिवार व दत्त मंदिर न्यास, माणगांव यांच्या संयुक्त विद्यमाने टेंब्ये स्वामी महाराज मंदिर, माणगांव येथे यावर्षीही २६ जून १० जुलै या कालावधीत आषाढ कीर्तन महोत्सवाचे आयोजन करण्यात आले आहे.
होणारे कार्यक्रम असे ः २६ व २७ जूनला अवधूतबुवा धुपकर, २८ जूनला प्रवचनकार सचिन भाटवडेकर यांचे प्रवचन, २९ व ३० ला रोहनबुवा पुराणिक, १ जुलैला महेंद्रबुवा पंतमिराशी, २ व ३ जुलैला भास्करबुवा मुंडले, ४ जुलैला केशवबुवा परांजपे, ५ जुलैला सुपर्णबुवा पोखरणकर, ६ ला पुरुषोत्तमबुवा पोखरणकर, ७ ला संतोषबुवा मुंडले, ८ ला मृणालताई गावकर-ठाकुरदेसाई, ९ व १० जुलैला दत्तात्रेयबुवा उपाध्ये यांच्या कीर्तनाने उत्सवाची सांगता करण्यात येणार आहे. महाराजांच्या पुण्यतिथीनिमित्त उद्या (ता. २६) दुपारी २ वाजता व २७ जून ते १० जुलै या कालावधीत ५ ते ६.३० या वेळेत कीर्तने होणार आहेत. जिल्ह्यातील जास्तीत जास्त कीर्तन रसिकांनी याचा लाभ घ्यावा, असे आवाहन कीर्तनगंगा समूह व दत्तमंदिर न्यास माणगांव यांनी केले आहे.