रत्नागिरी-सिबिल स्कोर मागणाऱ्या शाखाधिकाऱ्यांवर फौजदारी

-rat28p20.jpg
73881
रत्नागिरी ः जिल्हाधिकारी कार्यालयातील बैठकीत बोलताना पालकमंत्री उदय सामंत.

‘सिबिल स्कोर’ मागणाऱ्या शाखाधिकाऱ्यांवर फौजदारी

पालकमंत्र्यांच्या सूचना; अवकाळीतील नुकसानभरपाईसाठी बैठक घेणार

रत्नागिरी, ता. २८ ः बँकेचे शाखाधिकारी शेतकऱ्यांकडे कर्जासाठी सिबिल स्कोरची मागणी करत असेल, तर त्यांच्यावर फौजदारी दाखल करण्याच्या सूचना पालकमंत्री उदय सामंत यांनी दिल्या आहेत.
रत्नागिरी जिल्हा आंबा उत्पादक, बागायतदार यांच्या अडीअडचणींसंदर्भात पालकमंत्री सामंत यांनी जिल्हाधिकारी कार्यालयातील सभागृहात बैठक घेतली. बैठकीला अपर जिल्हाधिकारी भाऊसाहेब गलांडे, निवासी उपजिल्हाधिकारी चंद्रकांत सूर्यवंशी, जिल्हा अधीक्षक कृषी अधिकारी शिवकुमार सदाफुले, जिल्हा उपनिबंधक डॉ. सोपान शिंदे, प्रांताधिकारी जीवन देसाई आदी उपस्थित होते.
पालकमंत्री सामंत म्हणाले, ‘अवकाळी पावसामुळे झालेल्या नुकसानाचीभरपाई शेतकऱ्यांना, आंबा बागायतदारांना मिळवून देण्यासाठी तसेच जे साडेचार कोटी रुपये परत गेले आहेत, त्यासाठी वित्तमंत्री अजित पवार यांच्याकडे एकत्रित बैठक घेतली जाईल. या बैठकीला सहकार मंत्र्यांनाही निमंत्रित करू. शेतकऱ्यांचे निश्चितपणे प्रश्न मार्गी लावण्यासाठी प्रयत्न करू.’ यावेळी पालकमंत्र्यांनी सांडेलागवण व काळबादेवी गावातील भूसंपादनाबाबत रेवस-रेड्डी महामार्गाबाबत बैठक घेऊन योग्य त्या सूचना संबंधित अधिकाऱ्यांना दिल्या.