कृषी दिनी वेळंबमध्ये शेतकऱ्यांसाठी कार्यशाळा

वेळंबमध्ये शेतकऱ्यांसाठी कार्यशाळा
सकाळ वृत्तसेवा
गुहागर, ता. ४ : कृषिदिनानिमित्त खरवते दहिवली येथील शरदचंद्र पवार उद्यानविद्या महाविद्यालयाच्या विद्यार्थ्यांनी शेतकऱ्यांना मार्गदर्शनासाठी आयोजित कार्यशाळेचे उद्‌घाटन सरपंच समिक्षा बारगोडे यांच्या हस्ते करण्यात आले.
उद्यानविद्या महाविद्यालयातील विद्यार्थ्यांना ग्रामीण बागायती कामाचा अनुभव (रावे) या अंतर्गत थेट शेतकऱ्यांपर्यंत पोचून त्यांच्या समस्यांचे निराकरण करणे, शेतीत नवीन उपक्रम राबवणे अशा अभ्यासक्रमीय कामांसाठी विविध गावात जावे लागते. शरदचंद्र पवार उद्यानविद्या महाविद्यालयातील विवेक शेळके, कुशल गीते, अथर्व कोल्हे, कृष्णा रहांगडाले, आदित्य कोळी, यश सातपुते हे विद्यार्थी सध्या वेळंबमध्ये २ महिने रावेअंतर्गत कार्यरत आहेत. हे विद्यार्थी वेळंबमधील शेतकऱ्यांना भेटून शेतीमधील आधुनिक तंत्रज्ञान, नव्या पद्धतीने लागवड, खत वापर, रोग नियंत्रण या विषयी माहिती देत आहेत. तसेच शेतात जाऊन प्रत्यक्ष कामाचा अनुभव घेत आहेत.
---