कुरंगवणेत भरली ‘बांधावरची शाळा’
75219
कुरंगवणेत भरली ‘बांधावरची शाळा’
खारेपाटण शाळेच्या विद्यार्थ्यांसाठी उपक्रम
सकाळ वृत्तसेवा
तळेरे, ता. ४ ः राज्यातील मॉडेल स्कूल म्हणून ओळख असणाऱ्या जिल्हा परिषद पूर्ण प्राथमिक केंद्र शाळा खारेपाटण क्रमांक १ या शाळेच्या शिक्षक आणि विद्यार्थ्यांनी कुरंगवणे (ता.कणकवली) या गावी शासनाच्या ‘बांधावरची शाळा’ या उपक्रमाअंतर्गत येथील प्रगतशील शेतकरी नीलेश ब्रह्मदंडे यांच्या भात शेतीला प्रत्यक्ष भेट देऊन भात लावणी कामाचा अनुभव घेतला.
विद्यार्थ्यांच्या मनामध्ये शेतीबाबत आवड निर्माण व्हावी, शेतीची प्राथमिक माहिती त्यांना मिळावी या हेतूने खारेपाटण केंद्र शाळा क्रमांक १ शालेय विद्यार्थ्यांनी ‘एक दिवस बळीराजासाठी’ अर्थात ‘बांधावरची शाळा’ हा उपक्रम खारेपाटण केंद्र शाळेचे उच्च श्रेणी मुख्याध्यापक प्रदीप श्रावणकर यांच्या मार्गदर्शनाखाली राबविला. यावेळी शाळा व्यवस्थापन समिती अध्यक्ष सौ. प्राप्ती कट्टी, शाळेचे पदवीधर शिक्षक मिलिंद सरकटे, उपशिक्षिका सौ. समिधा राऊत व शालेय विद्यार्थी उपस्थित होते. मुख्याध्यापक श्रावणकर यांनी विद्यार्थ्यांना कोकणातील शेतकरी भातशेती करताना वापरत असलेल्या पारंपरिक शेती अवजारांविषयी माहिती दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.