चिपळुणात आज ई-चार्जिंग स्टेशनचे लोकार्पण

चार्जिंग स्टेशनचे आज लोकार्पण
सकाळ वृत्तसेवा
चिपळूण, ता. ४ ः चिपळूण पालिका हद्दीत नव्याने केलेल्या विकासकामांचे लोकार्पण शनिवारी (ता. ५) सकाळी ९ ते १० या वेळेत करण्यात येणार आहे. कार्यक्रमाला पालकमंत्री उदय सामंत, आमदार शेखर निकम उपस्थित राहणार आहेत. या कार्यक्रमावेळी चिपळूण पालिकेच्या हनुमान व्यायामशाळा इमारतीचे पुनर्निर्माण व व्यायामशाळा विकास योजना २०२४-२५ अंतर्गत करण्यात आलेल्या कामांचा लोकार्पण सोहळा होणार आहे. या अंतर्गत व्यायामशाळेमध्ये साहित्य बसवणे आणि इमारतीच्या तळमजल्याचे लोकार्पण समाविष्ट आहे. हे काम लोकमान्य टिळक स्मारक वाचन मंदिर, इमारत तळमजला येथे पार पडणार आहे. त्याचप्रमाणे, इंदिरा गांधी सांस्कृतिक केंद्र इमारतीच्या आवारात उभारण्यात आलेल्या चार्जिंग स्टेशनच्या कामाचाही लोकार्पण सोहळा होणार आहे. या सोहळ्यासाठी मुख्य प्रवेशद्वाराजवळील ठिकाण निश्चित करण्यात आले आहे.