सावर्डे-कात्रोळी कुंभारवाडीमध्ये वारीचा उत्साह

rat6p35.jpg-
75756
सावर्डे : पालखी मिरवणुकीत सहभागी झालेले कृषिदूत विद्यार्थी व ग्रामस्थ.
----------
कात्रोळी कुंभारवाडीमध्ये वारीचा उत्साह
सावर्डे, ता. ६ ः कात्रोळी-कुंभारवाडी (ता. चिपळूण) येथे आषाढी एकादशी उत्साहात आणि भक्तिभावाने साजरी करण्यात आली. प्राथमिक शाळा आणि गोविंदरावजी निकम कृषी महाविद्यालयातर्फे हा कार्यक्रम झाला. कार्यक्रमाची सुरवात विठ्ठल- रुक्मिणी प्रतिमेची पूजा आणि पुष्पवृष्टीने झाली. त्यानंतर टाळ, मृदुंग, भगवे झेंडे आणि हरिनामाच्या घोषात पालखी मिरवणूक गावातून काढण्यात आली.
प्राथमिक शाळेतील आणि कृषी महाविद्यालयातील विद्यार्थ्यांनी पारंपरिक पोशाखात अभंगगायन, नृत्य आणि सांस्कृतिक कार्यक्रम सादर करत वारीला अधिक रंगतदार केले. विविध भजने, ‘गजर विठ्ठलाचा’, ‘माऊली माऊली’ या सुरांनी वातावरण भारावून टाकले. वारीत ग्रामीण कृषी कार्यानुभव समन्वयक प्रा. प्रशांत इंगवले, कृषिसखा ग्रुपचे सर्व कृषिदूत, आनंद नलावडे, स्वयं बारी, अनिरुद्ध घंटे, सत्यजित आसने, घनश्याम राऊत, ईशान डुंबरे आदी सहभागी झाले होते.