आचरा न्यू इंग्लिशमध्ये विद्यार्थ्यांचा गुणगौरव

swt627.jpg
75759
आचरा ः येथील न्यू इंग्लिश स्कूलमध्ये विद्यार्थ्यांना वह्या वाटप करताना मान्यवर.

आचरा न्यू इंग्लिशमध्ये विद्यार्थ्यांचा सत्कार
आचराः येथील न्यू इंग्लिश स्कूल व कनिष्ठ महाविद्यालयाचा विद्यार्थी गुणगौरव सोहळा स्थानिक स्कूल समिती अध्यक्षा निलिमा सावंत यांच्या अध्यक्षतेखाली झाला. यावेळी समिती सदस्य राजन पांगे, अर्जुन बापर्डेकर, तंत्र व विकास केंद्राचे रघुनाथ पाटील, मुख्याध्यापक गोपाळ परब, उपमुख्याध्यापक अंकुशराव घुटूकडे, श्री. जाधव आदी उपस्थित होते. यावेळी दहावी-बारावी गुणवंत विद्यार्थ्यांचा मान्यवरांच्या हस्ते गुणगौरव करण्यात आला. स्थानिक स्कूल समितीच्या आर्थिक सहभागातून पाचवीच्या विद्यार्थ्यांचा गणवेश वाटप करण्यात आले. या कार्यक्रमाच्या औचित्यावर खातिजाबी काझी चॅरिटेबल ट्रस्ट मुंबई पुरस्कृत शालेय मुलांना ५० डझन वह्यांचे वाटप करण्यात आले.
-----------------
wt628.jpg
75760
चिंदरः लब्देवाडी येथे अनिल लब्दे यांच्या घरावर कोसळलेले झाड.

चिंदर येथे घरावर झाड पडून नुकसान
आचराः चिंदर लब्देवाडी येथील अनिल वसंत लब्दे यांच्या घरावर शनिवारी (ता. ५) पहाटे झाड पडून छप्पराचे सुमारे तीस ते चाळीस हजारांचे नुकसान झाल्याचा अंदाज व्यक्त केला जात आहे. चिंदर लब्देवाडी येथील अनिल लब्दे आपल्या पत्नीसह राहतात. शनिवारी पहाटे पाचच्या सुमारास वादळी वाऱ्याने घरालगतचे झाड घरावर पडले. मोठा आवाज झाल्याने लब्दे गडबडून जागे झाले. सुदैवाने घराच्या जेवण करण्याच्या भागावर झाड पडल्याने लब्दे यांना कोणतीही दुखापत झाली नाही. खबर मिळताच तलाठी आकाश कराळे व पोलीस पाटील सोनाली माळगांवकर यांनी घटनास्थळी भेट देवून पंचनामा केला.