देवबाग शाळेत करवंटीपासून विविध वस्तू बनविण्याचे धडे

swt635.jpg
75976
देवबाग ः करवंटीपासून वस्तू बनविण्याचे धडे विद्यार्थ्यांना देताना भूषण मेतर.

देवबाग शाळेत करवंटीपासून
विविध वस्तू बनविण्याचे धडे
सकाळ वृत्तसेवा
मालवण, ता. ६ : अखिल देवबाग विकास मंडळ मुंबई संचलित डॉ. दत्ता सामंत इंग्लिश स्कूल, देवबाग या प्रशालेत ''आनंददायी शनिवार'' उपक्रमांतर्गत येथील करवंटी कलाकार तथा पत्रकार भूषण मेतर यांचा नारळाच्या करवंटीपासून वस्तू बनविणे या विषयावर प्रात्यक्षिक व मार्गदर्शन कार्यक्रम झाला. यावेळी मेतर यांनी विद्यार्थ्यांना करवंटीपासून विविध वस्तू बनविण्याची प्रात्यक्षिके दाखवून मार्गदर्शन केले. देवबाग हायस्कूलच्या सभागृहात आयोजित या कार्यक्रमात प्रशालेच्या मुख्याध्यापिका रचना खोबरेकर यांनी मेतर यांचे स्वागत केले. शिक्षक विवेक गोसावी यांनी प्रास्ताविक केले. मेतर यांनी करवंटी व त्यापासून बनविता येणाऱ्या विविध वापरायोग्य व शोभेच्या इको-फ्रेंडली वस्तू याविषयी माहिती दिली. या वस्तू कशा बनविल्या जातात, याचे प्रात्यक्षिकही मुलांना दाखविले. मुलांना करवंटीपासून हाती व मोजक्या उपलब्ध साहित्याने बनविता येतील अशा कप, डाउल, ग्लास आदी वस्तू बनवून दाखविल्या. करवंटीपासून वस्तू बनविताना घ्यावयाची काळजी, या वस्तूंना असलेली मागणी, त्यातील व्यवसाय संधी याविषयीही मेतर यांनी मार्गदर्शन केले. विद्यार्थ्यांनी या कार्यक्रमास प्रतिसाद दिला. सूत्रसंचालन विवेक गोसावी यांनी केले. आभार रुपेश खोबरेकर यांनी मानले. यावेळी शिक्षक घेवडे, मेस्त्री उर्फ पाटणे, कुमारी मांजरेकर व प्रशालेतील कर्मचारी उपस्थित होते.
...............