...अखेर खड्ड्यांमध्ये पेव्हर ब्लॉक!
75987
कणकवलीत खड्ड्यांमध्ये आता पेव्हर ब्लॉक
कणकवली, ता. ७ ः शहरातील मुंबई-गोवा महामार्गावरील खड्डे पेव्हर ब्लॉकने बुजविण्यास प्रारंभ करण्यात आला आहे. यामुळे वाहन चालकांना दिलासा मिळाला आहे. पेव्हर ब्लॉकमुळे पुन्हा त्‍याच ठिकाणी खड्ड्यांची समस्या निर्माण होत नसल्‍याने वाहन चालकांतून समाधान व्यक्त होत आहे.
गेले महिनाभर सतत पडणाऱ्या पावसामुळे मुंबई-गोवा महामार्ग तसेच शहरातून जाणाऱ्या सेवा रस्त्यावर ठिकठिकाणी खड्डे पडले होते. महामार्ग विभागाने सुरुवातीला हे खड्डे डांबराने बुजविले. मात्र, पाऊस सुरूच राहिल्‍याने पुन्हा खड्डे पडले होते. त्‍यानंतर सिमेंट क्राँक्रिटचा वापर करून खड्डे बुजविण्यात आले. मात्र, वाहनांची वर्दळ कायम असल्‍याने खड्डे बुजविल्‍यानंतर पुन्हा खड्ड्यांची समस्या निर्माण होत होती. त्‍यामुळे सेवा रस्त्यावरील खड्डे पेव्हर ब्लॉकने बुजविण्याचा निर्णय महामार्ग विभागाने घेतला होता. त्‍यानुसार गेले दोन दिवस सेवारस्ता आणि महामार्गावरील खड्डे पेव्हर ब्लॉक टाकून बुजवले जात आहेत. त्‍यासाठी रस्त्यावरील खड्ड्यांलगत आखणी, खोदाई करून हे ब्लॉक बसवले जात आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.