आमदार नीलेश राणेंकडून परब कुटुंबियांचे सांत्वन

swt74.jpg
75938
कसाल ः आमदार नीलेश राणे यांनी परब कुटुंबीयांच्या घरी जाऊन त्यांना धीर दिला.

राणेंकडून परब कुटुंबियांचे सांत्वन
कुडाळः कसाल गावचे सरपंच व माजी पंचायत समिती सदस्य राजन परब यांचे सुपुत्र आनंद परब यांचे अल्पशा आजाराने निधन झाले. कुडाळ-मालवणचे आमदार नीलेश राणे यांनी शनिवारी (ता. ५) परब कुटुंबीयांच्या घरी जाऊन त्यांना धीर देत शोक व्यक्त केला. यावेळी शिवसेना उपनेते संजय आग्रे, जिल्हाप्रमुख दत्ता सामंत, सरचिटणीस दादा साईल, उपजिल्हाप्रमुख अरविंद करलकर, तालुकाप्रमुख दीपक नारकर, दीपक पाटकर आदी उपस्थित होते.
....................
swt75.jpg
75939
कुडाळ ः कायदेविषयक जनजागृती शिबिरात मार्गदर्शन करताना अॅड. राजीव बिले.

अमली पदार्थांविरोधात कुडाळ येथे जनजागृती
कुडाळः येथील दिवाणी न्यायालय तथा तालुका विधी सेवा समिती कुडाळ व वकील संघटना यांच्यावतीने कुडाळ हायस्कूल ज्युनिअर कॉलेज येथे आंतरराष्ट्रीय अमली पदार्थांचा गैरवापर आणि बेकायदेशीर तस्करी विरोधी दिनाचे औचित्य साधून शिबिराचे आयोजित करण्यात आले. यामध्ये विद्यार्थ्यांना अमली पदार्थांचे दुष्परिणाम व पोस्को कायद्याविषयी मार्गदर्शन करण्यात आले. कुडाळ हायस्कूलचे सहप्राचार्य नारायण साळवी यांच्या अध्यक्षतेखाली हा कार्यक्रम झाला. या कार्यक्रमात अॅड. राजीव बिले यांनी अमली पदार्थांच्या सेवनामुळे होणारे दुष्परिणाम याबाबत मार्गदर्शन केले. अॅड. संजय रानडे यांनी पोस्को कायद्याबाबत मार्गदर्शन केले. कार्यक्रमाचे सूत्रसंचालन प्रा. श्रीमती नाखरे यांनी केले. प्रा. अजित व्हनमाने यांनी आभार मानले. कार्यक्रमाची व्यवस्था दिवाणी न्यायालयातील वरिष्ठ लिपिक आर. टी. आरेकर व कर्मचारी कडव यांनी केली.