माड्याचीवाडी येथील भक्तिगीत स्पर्धेत समृध्दी कोंडस्कर प्रथम

७५९४०

भक्तिगीत स्पर्धेत
समृद्धी कोंडस्कर प्रथम
सकाळ वृत्तसेवा
कुडाळ, ता. ७ ः एस. के. पाटील शिक्षण प्रसारक मंडळ पाट संचलित माध्यमिक विद्यालय माड्याचीवाडी येथे आषाढी एकादशी निमित्त भक्तिगीत स्पर्धा घेण्यात आली. मुख्याध्यापक अनंत सामंत यांनी दीपप्रज्ज्वलन करून कार्यक्रमाचे उद्‍घाटन केले. श्रीमती आजगावकर यांनी भक्तिगीतांबद्दल माहिती दिली. या स्पर्धेत तन्वी गावडे (नववी) हिने ‘हरिनामाची शाळा भरली’ हे गाणे गायले. त्यानंतर आठवी, नववी व दहावीच्या विद्यार्थी-विद्यार्थिनींनी विविध गीते सादर केली. त्यामध्ये पराग गावडे, विशाल गावडे, प्रफुल्ल गावडे, धनश्री राणे, अथर्व ठुमरे, लावण्या परब, अक्षय जाधव, समृद्धी कोंडस्कर यांनी पांडुरंगावर आधारित भक्तिगीते सादर केली. स्पर्धेचे परीक्षण श्रीमती आजगावकर व श्री. नाईक यांनी केले. स्पर्धेत प्रथम क्रमांक समृद्धी कोंडस्कर (नववी), द्वितीय विशाल गावडे (नववी) व तृतीय क्रमांक तन्वी गावडे (नववी) हिने मिळविला. उत्तेजनार्थ अथर्व ठुंबरेला गौरविण्यात आले. यशस्वी स्पर्धकांचा मुख्याध्यापकांच्या हस्ते सन्मान करण्यात आला. कार्यक्रमाचे सूत्रसंचालन श्री. राणे यांनी केले. संस्था चालकांनी कार्यक्रमाचे कौतुक केले.