कोळोशी-हडपिडमध्ये वृक्षारोपणासह वृक्षदिंडी

75959

कोळोशी-हडपीडमध्ये
वृक्षारोपणासह वृक्षदिंडी
नांदगाव, ता. ७ ः येथील माध्यमिक शिक्षण शाळा कोळोशी हडपिडमध्ये कृषी दिनानिमित्त वृक्षदिंडी, वृक्षारोपण कार्यक्रम झाला. यावेळी निसर्गाचा समतोल राखण्यासाठी वृक्षलागवड किती गरजेची आहे, याबाबत जनजागृती करण्यात आली.
शिक्षण प्रसारक मंडळ कोळोशी हडपीड, मुंबई संचलित माध्यमिक शिक्षण शाळा कोळोशी हडपीडमध्ये एक जुलै कृषी दिनानिमित्त हरित सेनेमार्फत वृक्षदिंडीचे आयोजन केले होते. यावेळी प्रशालेचे हरित सेना विभागप्रमुख किरण कुमार पाताडे यांनी विद्यार्थ्यांना कृषी दिनाचे महत्त्व सांगून जास्तीत जास्त वृक्ष लागवड करण्यासाठी प्रोत्साहित केले तसेच प्रशालेच्या परिसरात झाडांची लागवड करून त्याची जोपासना करण्यासाठी प्रत्येक वर्गास एक झाड दत्तक देण्यात आले. हडपीड व कोळशी या दोन्ही ग्रामपंचायतींमध्ये विद्यार्थ्यांनी वृक्षदिंडी काढली. याप्रसंगी कोळोशी सरपंच गुरुनाथ आचरेकर, हडपीडच्या सरपंच सौ. संध्या राणे, प्रशालेच्या मुख्याध्यापिका सर्व शिक्षक शिक्षकेतर कर्मचारी व विद्यार्थी उपस्थित होते.