केर-भेकुर्लीमध्ये महिलांना पाणी गरम करण्याचे बंब

swt717.jpg
75984
केरः निडलवाडी येथील ग्रामस्थांना बंब वितरित करून प्रारंभ करण्यात आला.

केर-भेकुर्लीमध्ये महिलांना पाणी गरम करण्याचे बंब
१४० जणांना लाभः डब्लूसीटी, ग्रामपंचायतीचा पुढाकार
सकाळ वृत्तसेवा
दोडामार्ग, ता. ७ः केर-भेकुर्ली ग्रामपंचायतीने कमी जळणामध्ये पाणी गरम करण्यासाठी संस्था सहकार्याने जवळपास १४० जणांना ७५ टक्के अनुदानावर पाणी गरम करण्याचे बंब वितरित केले. या उपक्रमामुळे जळावू लाकडू शोधणे यासाठी माता भगिनींना होणारा त्रास कमी होणार आहे.
डब्लूसीटीच्या सहकार्याने व केर-भेकुर्ली ग्रामपंचायतीच्या सहयोगातून गावात पाणी तापविण्याचे बंब देण्याचे ठरले होते. एकूण १४० पैकी भेकुर्ली येथील १८ वगळता सर्व वाटप पूर्ण झाले. भेकुर्लीचे, १८ बंब केर येथे आहेत ते भेकुर्ली येथे नेणे वाटप करणे याबाबत नियोजन झाले आहे. एका बंबवर ग्रामस्थांचे साधारण ५ हजार ८५० रुपये बचत झाले. म्हणजेच १४० बंबचे मिळून ८ लाख रुपयांपेक्षा अधिक बचत झाले.
हा प्रकल्प महाराष्ट्रातील चंद्रपूर जिल्ह्यात सुरू झालेला एक प्रमुख डब्लूसीटी प्रकल्प आहे. जे डब्लूसीटीचे रेझिलिएंट फ्युचर टीमने सुरुवात केली. आता डब्लूसीटीने सिंधुदुर्ग आणि कोल्हापूरमध्ये हा पुरस्कार विजेता उपक्रम हाती घेतला आहे. जिल्ह्यातील ग्रामपंचायतींमधील या पहिल्या प्रायोगिक प्रकल्पाला ब्रिटिश एशियन इंडियन फाउंडेशन (बीएआयएफ) आणि कृष्णाग्नी सोल्यूशन्स प्रायव्हेट लिमिटेड यांचे आर्थिक पाठबळ मिळाल्याची माहिती अभ्यासक गिरीश पंजाबी यांनी यावेळी दिली.
नकळत ही सेवा करण्याचे भाग्य ग्रामपंचायत कार्यकारणीला मिळाली असून यासाठी पुढाकार घेणारे डब्लूसीटी यांचे ग्रामपंचायतीच्यावतीने विशेष आभार व्यक्त करण्यात आले. अतिशय शांतपणे केर, गावठणवाडी, अवाटवाडी, निडलवाडी ग्रामस्थ, युवक, माता भगिनी यांनी सहकार्य केल्याबद्दल ग्रामपंचायतीच्यावतीने आभार मानण्यात आले. वाटप कार्यक्रमावेळी ग्रामपंचायत केर-भेकुर्ली सरपंच रुक्मिणी नाईक, उपसरपंच तेजस देसाई, सदस्य मेघना देसाई, लक्ष्मी धुरी, गायत्री देसाई, निलेश देसाई यांसह डब्लूसीटी प्रतिनिधी आणि अभ्यासक गिरीश पंजाबी, अमित सुतार, राहुल ठाकूर आणि सूरज शेंडे आदी उपस्थित होते.