सोलगाव शाळेत वृक्षदिंडी

75949

सोलगाव शाळेत वृक्षदिंडी
राजापूर ः तालुक्यातील सोलगाव शाळा नं. २ मध्ये आषाढी एकादशीनिमित्ताने श्री पांडुरंगाला वृक्षरूपामध्ये पाहून वृक्षदिंडी काढण्यात आली. या वृक्षदिंडीच्या माध्यमातून विठूनामाचा गजर करताना सार्वांनी झाडे लावा झाडे जगवा, असा संदेशही देण्यात आला. या वृक्षदिंडीमध्ये शाळेतील मुलांसह शाळा व्यवस्थापन समितीचे अध्यक्ष लक्ष्मण नांगरेकर, मुख्याध्यापक दीपक धामापूरकर यांच्यासह शाळा व्यवस्थापन समिती सदस्य, ग्रामस्थ, शिक्षक लक्ष्मण फडके, विशाल सपकाळ, विठ्ठल मंगे, पुष्पमाला नांगरेकर आदी सहभागी झाले होते. प्रशाळेच्या या उपक्रमाचे सर्व स्तरातून कौतुक केले जात आहे.

फिजा मुकादमला सुवर्णपदक
राजापूर : तालुक्यातील वडदहसोळ गावची सुकन्या फिजा गुलशन मुकादम हिने जी. एच. रायसोनी विद्यापीठातून बीएस्सी. फॉरेन्सिक सायन्स (न्यायवैद्यक विज्ञान शाखेतील पदवी) परीक्षेत विद्यापीठात प्रथम क्रमांक पटकावून सुवर्णपदकाला गवसणी घातली. राजापूर तालुका एज्युकेशन सोसायटीचे नवजीवन हायस्कूल व कनिष्ठ महाविद्यालयातर्फे तिचा सत्कार करण्यात आला. यावेळी संस्थाध्यक्ष सुलतान ठाकूर, खजिनदार हनिफ काझी, प्राचार्य राजेंद्रकुमार व्हनमाने, फिजा हिची आई गुलशन मुकादम, मुश्ताक इसफ, प्रा. प्रीतम सुर्वे, उमरफारूख मुजावर, शफिक वाघू आदी उपस्थित होते.