सावंतवाडी कारागृहाचे स्ट्रक्चरल ऑडिट पूर्ण
76004
सावंतवाडी कारागृहाचे स्ट्रक्चरल ऑडिट पूर्ण
कारण शोधले; दगडांच्या जॉईंटमधील माती ठिसूळ झाल्याने प्रकार
सकाळ वृत्तसेवा
सावंतवाडी, ता. ७ ः येथील संस्थानाकालीन जिल्हा कारागृहाच्या तटबंदीची भिंत कोसळल्यानंतर आज या कारागृहाच्या बांधकामाचे स्ट्रक्चरल ऑडिट विशेष टीमकडून करण्यात आले. पालकमंत्री नीतेश राणे यांनी केलेल्या सूचनेनंतर ही टीम आज या ठिकाणी दाखल झाली. कारागृहाच्या बांधकामासाठी वापरलेल्या दगडांच्या जॉईंटमधील माती ठिसूळ होऊन त्यात पावसाचे पाणी गेल्याने हे बांधकाम कोसळल्याचा प्राथमिक अंदाज या टीमने व्यक्त केला.
येथील जिल्हा कारागृहाच्या संस्थांकलीन इमारतीची तटबंदीची भिंत शुक्रवारी (ता.४) सकाळी कोसळली होती. सुमारे दीडशे वर्षांपूर्वीच्या असलेल्या या इमारतीच्या तटबंदीच्या भिंतीवर अलीकडे सार्वजनिक बांधकाम विभागाने वाढीव साडेचार फुटाचे दगडी बांधकाम केले होते. एकूणच या बांधकामाचे वजन न पेल्यामुळे ही भिंत कोसळल्याचा आरोप काहींनी केला होता. संस्थानकालीन बांधकाम असल्याने सार्वजनिक बांधकाम विभागावर अनेकांनी दोष ठेवला होता. एकूणच या संदर्भात पालकमंत्री राणे यांनीही दखल घेत पडलेल्या भिंतीची पाहणी करतानाच संपूर्ण कारागृहाचे स्ट्रक्चरल ऑडिट करण्याची सूचना संबंधितांना दिली होती. शिवाय हे कारागृह नव्याने पुन्हा एकदा उभारण्यात येणार असल्याचेही ते म्हणाले होते. एकूणच या पार्श्वभूमीवर आज या ठिकाणी स्ट्रक्चर ऑडिट करण्यासाठी विशेष टीम दाखल झाली. या टिममध्ये अधीक्षक अभियंता सार्वजनिक बांधकाम मंडळ रत्नागिरीचे मिलिंद कुलकर्णी, कार्यकारी अभियंता सार्वजनिक बांधकाम विभाग सावंतवाडीच्या सलोनी निकम, उपविभागीय अभियंता सार्वजनिक बांधकाम उपविभाग सावंतवाडी वैभव सगरे, स्थापत्य अभियांत्रिकी विभाग शिवाजी विद्यापीठ कोल्हापूर प्राध्यापक महेश साळुंखे, कोल्हापुरचे स्ट्रक्चरल कन्सल्टंट मंदार आंबेकर आदी उपस्थित होते.
---
76005
दीडशे वर्षांचे बांधकाम ठिसूळ
संस्थानकालीन जिल्हा कारागृह माती आणि दगडापासून बांधले होते. या बांधकामाला जवळपास दीडशे वर्षे पूर्ण झाल्याने बांधकामासाठी वापरलेली माती ठिसूळ होण्यास सुरुवात झाली आहे. पावसाचे पाणी दोन दगडांमधील जॉईंटमध्ये गेल्याने बांधकामाला धोका निर्माण झाला आणि यातून ही भिंत कोसळली, असा प्राथमिक निष्कर्ष यावेळी संबंधित टीमने काढला. मात्र, या संदर्भातील अंतिम अहवाल मागावून देण्यात येणार असल्याचे टीमने सांगितले.
-------------
कोट
जिल्हा कारागृहाच्या स्ट्रक्चरल ऑडिट रिपोर्टचा अभ्यास केला जाणार आहे. त्यानुसार जिल्हा कारागृहाचे नवीन बांधकाम, जुन्या पद्धतीचे किंवा नव्या धर्तीवर उभारण्यात आलेल्या कामांसंदर्भातील अहवाल वरिष्ठांकडे सादर करणार आहोत. त्यानुसार पुढील आदेश होणार आहेत.
- वैभव सगरे, उपविभागीय अभियंता, सार्वजनिक बांधकाम उपविभाग सावंतवाडी
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.