कृषी प्रदर्शनास डामरेत प्रतिसाद

swt727.jpg
76017
डामरे ः येथे कृषिकन्यांमार्फत शेतकऱ्यांना अवजारांबाबत मार्गदर्शन करण्यात आले.

कृषी प्रदर्शनास
डामरेत प्रतिसाद
सकाळ वृत्तसेवा
तळेरे, ता. ७ : डामरे येथे राजाराम मराठे कृषी महाविद्यालय फोंडाघाट येथील कृषिकन्यांनी ग्रामीण कृषी उद्योजकता जागरुकता विकास योजना २०२५-२६ अंतर्गत कृषी प्रदर्शन व शेतकऱ्यांना मार्गदर्शन केले. या कृषी प्रदर्शनास शेतकऱ्यांचा चांगला प्रतिसाद मिळाला. हे प्रदर्शन जिल्हा परिषद पूर्ण प्राथमिक शाळा डामरे तिवरे येथे आयोजित करण्यात आले. यावेळी कृषिकन्यांनी गावातील शेतकऱ्यांना शेतीतील अवजारे, अद्ययावत तंत्रज्ञान, सेंद्रिय खते, बियाणे, रानभाज्या, खत व्यवस्थापन, कीड व रोग नियंत्रण आदींबाबत शेतकऱ्यांना मार्गदर्शन केले. या कृषी प्रदर्शनात कृषिकन्या पायल डोंगरे, कांचन गायकवाड, हर्षदा वरुटे, सानिका गोडसे, तन्वी अदम, अमिषा के. आर, नंदना अनिल, निर्मला परब, वैष्णवी भोसले, मानसा प्रीती तसेच मार्गदर्शक प्राचार्य पंकज संते, श्री. चव्हाण, अथर्व बगाडे, सरपंच किरण कानडे व उपसरपंच सागर साटम आदी उपस्थित होते.