चिपळुणात ‘मन की बात’ला प्रतिसाद

चिपळुणात ‘मन की बात’ला प्रतिसाद
चिपळूण ः पंतप्रधान नरेंद्र मोदींच्या १०० व्या ''मन की बात'' कार्यक्रमाला चिपळूणवासीयांचा उत्स्फूर्त प्रतिसाद मिळाला. भारतीय जनता पार्टी चिपळूण शहराच्यावतीने शहराध्यक्ष आशिष खातू यांच्या मार्गदर्शनाखाली संपूर्ण चिपळूण शहरात १७ ठिकाणी कार्यक्रमाचे नियोजन करण्यात आले होते. उक्ताड, शंकरवाडी, मूरादपूर, गोवळकोट, पेठमाप, काविळतळी, बापटआळी, मार्कंडी, रावतळे, राधाकृष्णनगर, खेंड, पाग येथे भाजप पदाधिकारी व परिसरातील नागरिक यांच्या समवेत हा कार्यक्रम पाहण्यात आला. रावतळे व राधाकृष्णनगर येथे या कार्यक्रमाबरोबरच निनाद आवटे यांच्या माध्यमातून केंद्र सरकारच्या माध्यमातून देण्यात येणाऱ्या दिव्यांग कार्डचे वाटप करण्यात आले. एकूण २७६ नागरिकांनी मन की बात कार्यक्रमाचा आस्वाद घेतला.

खेंडमधील विठ्ठल पाचमाडकर मंदिर खुले
चिपळूण ः शहरातील खेंड विभागात असलेल्या १२५ वर्षांपूर्वीच्या ऐतिहासिक श्री देव विठ्ठल पाचमाडकर मंदिराचा जीर्णोद्धार पूर्ण झाला. आषाढी एकादशीच्या विशेष दिवशी मंदिर भक्तांसाठी खुले करण्यात आले. सकाळपासूनच मंदिर परिसरात भाविकांची वर्दळ होती. आमदार शेखर निकम यांनी मंदिरात येऊन श्री देव विठ्ठल आणि रुक्मिणीचे दर्शन घेतले. यावेळी आशिष खातू, सचिन साडविलकर, खजिनदार उदय गांधी यांनी आमदार निकम यांचे स्वागत केले. श्री देव विठ्ठल पाचमाडकर मंदिर मंडळ आणि स्थानिक ग्रामस्थांच्या सहकार्याने मंदिर परिसरात विविध धार्मिक कार्यक्रमांचे आयोजन करण्यात आले होते. यामध्ये भजनसंध्या आणि विठूनामाचा जप सुरू होता.