पन्हळीत मंदिरातील सहा घंटांची चोरी

पन्हळीत मंदिरातील
सहा घंटांची चोरी
मंडणगडः तालुक्यातील पन्हळी बुद्रुक येथील जाखमाता मंदिर व देव्हारे येथील स्वयंभू शिवमंदिर या दोन मंदिरातील २७ हजार रुपये किंमतीच्या ६ घंटा चोरट्याने चोरून नेल्याची घटना घडली आहे. ४ जुलैला सकाळी ८ ते ५ जुलैला सकाळी ७ वाजण्याच्या कालावधीत या घंटा चोरून नेल्याची फिर्याद पोलिस पाटील चंद्रकांत जाधव वय (५२, रा. पन्हळी बुद्रुक) यांनी बाणकोट सागरी पोलिसात ६ जुलैला नोंद केली आहे. दोन्ही मंदिरांच्या उघड्या दरवाजामधून मंदिरात प्रवेश करून चोरी केली आहे. या चोरीत एकूण २७ हजार रुपये किंमतीचा मुद्देमाल चोरीस गेला आहे. यात १० हजार रुपये किंमतीची तांबे, पितळ, कास्य तीन धातूमिश्रित बनावटीची सुमारे २० किलो वजनाची १ घंटा, ६ हजार रुपये किंमतीचे तांबे, पितळ, कास्य तीन धातूमिश्रित बनावटीची सुमारे १० किलो वजनाची १ जुनी वापराची घंटा, ६ हजार रुपये किंमतीची तांबे, पितळ, कास्य तीन धातूमिश्रित बनावटीची पिवळसर रंगाची सुमारे १२ किलो वजनाची १ घंटा, ४ हजार रुपये किंमतीच्या तांबे, पितळ, कास्य तीन धातूमिश्रित बनावटीची सुमारे ४ किलो वजनाच्या जुन्या वापराच्या २ घंटा, १ हजार रुपये किंमतीचे तांबे, पितळ, कास्य तीन धातूमिश्रित बनवाटीची सुमारे २ किलो वजनाची १ घंटा मुद्देमालाचा समावेश आहे.
---------------
मंडणगड शहरात
दारूची अवैध विक्री
मंडणगडः शहरात देशी दारूची विनापरवाना अवैध विक्री करणाऱ्या राकेश चखलिया (३४, रा. मंडणगड) या आरोपीस पोलिसांनी ६ जुलै रोजी ताब्यात घेतले. या संदर्भात पोलिस कॉन्स्टेबल संबधदास मावची (३५) यांनी मंडणगड पोलिसात ६ जुलै रोजी फिर्याद नोंदवली आहे. या फिर्यादीतील माहितीनुसार, ६ जुलै रात्री ८:४५ वाजता चखलिया हा मंडणगड शहरातील बाणकोट रोडकडे जाणाऱ्या रस्त्याच्या बाजूला असलेल्या झाडाच्या आडोशाला ९६० रुपये किंमतीच्या १८० मिलीच्या देशी दारूच्या १२ बाटल्यासहित दारू विक्री करण्याच्या उद्देशाने आपल्या कब्जात बाळगून असल्याच्या स्थितीत पोलिसांना मिळून आला.