जेरबंद केलेल्या बिबट्याची उपचार केंद्रामध्ये रवानगी
76212
जेरबंद केलेल्या बिबट्याची
उपचार केंद्रामध्ये रवानगी
सकाळ वृत्तसेवा
सावंतवाडी, ता. ८ ः मळेवाड-कोंडुरे देऊळवाडी येथे रविवारी (ता. ६) हल्ला करून चार ग्रामस्थांना गंभीर जखमी केलेल्या बिबट्याला वन विभागाने जेरबंद केल्यानंतर त्याला उपचाराकरिता कऱ्हाड येथील वन्यप्राणी उपचार केंद्रात हलविण्यात आले आहे. याबाबतची माहिती वनक्षेत्रपाल सुहास पाटील यांनी दिली.
मळेवाडनजीक कोंडुरे देऊळवाडी येथे वस्तीत शिरून चौघांवर हल्ला केलेल्या बिबट्याला उपवनसंरक्षक मिलीश शर्मा यांच्या मार्गदर्शनाखाली वनक्षेत्रपाल पाटील, आजगाव वनपाल पृथ्वीराज प्रताप, मळगाव वनपाल प्रमोद राणे तसेच आजगाव, बांदा, मळगाव, माजगाव वन परिमंडळातील वन कर्मचारी व कुडाळ, सावंतवाडी येथील जलद कृती दलाच्या कर्मचाऱ्यांनी पिंजऱ्यात कैद केले. या बिबट्याला ताब्यात घेत वैद्यकीय तपासणी करण्यात आली. या तपासणीमध्ये तो उपाशी असल्याने अस्वस्थ असल्याचे तसेच त्याच्या अंगावर काही जखमा असल्याचे निदर्शनास आले. त्यानुसार या बिबट्याला वनविभागाच्या कऱ्हाड येथील वन्यप्राणी उपचार केंद्रात दाखल केले आहे. तेथे त्याच्यावर उपचार करून त्याला नैसर्गिक अधिवासात सोडण्यात येणार असल्याची माहिती वन विभागाने दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.