मालवणात नेव्ही प्रशिक्षण केंद्र उभारू

टीपः swt820.jpg मध्ये फोटो आहे.

कासार्डे ः हायस्कूलमध्ये भारतीय नाविक युनियनतर्फे शैक्षणिक साहित्य वाटप करण्यात आले.

मालवणात नेव्ही प्रशिक्षण केंद्र उभारू
सुरेश साळसकर ः कासार्डे हायस्कूलमध्ये शालेय साहित्य वाटप
सकाळ वृत्तसेवा
तळेरे, ता. ८ : भारतीय नाविक युनियन सामाजिक बांधिलकीतून गरजू विद्यार्थ्यांना शैक्षणिक साहित्य वाटप गेली अनेक वर्षे सिंधुदुर्ग जिल्ह्यात करत आहेत. याच माध्यमातून विद्यार्थ्यांची गरज लक्षात घेऊन संघटनेतर्फे मालवण येथे लवकरच मर्चंट नेव्ही प्रशिक्षण व कौशल्य वाढीसाठी केंद्र उभारण्यात येणार आहे, अशी माहिती जनरल सेक्रेटरी सुरेश साळसकर यांनी दिली. ते कासार्डे माध्यमिक व उच्च माध्यमिक विद्यालयात साहित्य वाटप आणि शिपिंग मार्गदर्शन शिबिरात बोलत होते.
कार्यक्रमाची सुरुवात भारतीय नविक सेना युनियनचे रवींद्र बाईंग यांच्या हस्ते दीपप्रज्वलन व सरस्वती मातेच्या मूर्तीला पुष्पहार अर्पण करून करण्यात आली. यावेळी कासार्डे सरपंच निशा नकाशे, उपसरपंच गणेश पाताडे, मुख्याध्यापिका भाग्यश्री बिसुरे, सेक्रेटरी नंदकुमार बाईंग, पीआरओ राजेश कनोजिया, प्रशांत कदम, भाजप मंडलाध्यक्ष दिलीप तळेकर, माजी उपसभापती प्रकाश पारकर, युवामोर्चा तालकाध्यक्ष सहदेव उर्फ आण्णा खाडये, संस्था कार्याध्यक्ष संजय पाताडे, शाळा समिती उपाध्यक्ष अतुल सावंत, माजी सैनिक रवींद्र पाताडे, सचिन खाडये आदी उपस्थित होते.
साळसकर म्हणाले, "नाविक बांधवांचे हक्क, सुरक्षितता आणि सन्मानासाठी गेली पंचवीस वर्षे संघटना काम करत असताना अनेक धाडसी निर्णयामुळे आज भारतीय नाविक युनियनने सुरक्षित आणि सन्मान्य भविष्य अनुभवले आहे. ही वाटचाल केवळ संघर्षाची नव्हे, तर दृढ निश्चयाची, ऐक्याची आणि नाविकांच्या हक्कांसाठी चाललेल्या सातत्यपूर्ण लढ्याची आहे. विद्यार्थ्यांनी मर्चंट नेव्हीमध्ये करिअर करण्यासाठी पुढे आल्यास संघटनेकडून सर्वतोपरी सहकार्य करण्यात येईल."
यावेळी प्रकाश पारकर, दिलीप तळेकर, भाग्यश्री बिसुरे, प्रशांत कदम यांनी मनोगत व्यक्त केले. उपस्थित मान्यवरांनी भारतीय नाविक युनियनच्या कामाचे कौतुक केले. यावेळी शाळेतील विद्यार्थ्यांना शालेय साहित्य वाटप करण्यात आले.