कौंटी क्रिकेट स्पर्धेत अविराज गावडे चमकला

- rat८p३.jpg-
२५N७६१३०
रत्नागिरी ः अविराज गावडे

कौंटी स्पर्धेत अविराज गावडे चमकला
तिसऱ्यांदा सामनावीर पुरस्कार ; जिल्ह्याचे नाव केले उज्ज्वल
सकाळ वृत्तसेवा
रत्नागिरी, ता. ८ ः येथील युवा क्रिकेटपटू अविराज अनिल गावडे हा इंग्लंडमध्ये सध्या कौंटी क्रिकेट स्पर्धा खेळत आहे. नुकत्याच झालेल्या कौंटी स्पर्धेत मिडलसेक्स संघ व रिंजेटस पार्क या संघात झालेल्या सामन्यात अविराज याने गोलंदाजी, फलंदाजी व क्षेत्ररक्षणात कौशल्य दाखवत संघाला विजय मिळवून दिला. तो या सामन्याचा सामनावीर ठरला.
इंग्लंडमधील मिडलसेक्स संघाकडून खेळताना त्याने सुरुवातीला गोलंदाजी करताना ८ षट्कात फक्त १६ धावा देऊन ४ गडी बाद केले. त्यामध्ये २ गडी त्याने क्लिनबोल्ड केले तर दोन फलंदाजांना झेलबाद केले. क्षेत्ररक्षण करतानाही त्याने चपळाई दाखवत एका फलंदाजाला धावबादही केले. मिडलसेक्स संघासाठी फलंदाजी करताना त्याने सुरुवातीला येऊन ६० चेंडूत ४७ धावा काढल्या. त्यामध्ये ५ चौकार व एक षटकार मारत ७८च्या सरासरीने धावा केल्या. संघाच्या विजयात त्याची खेळी महत्त्वाची ठरली. अविराजने दाखवलेल्या दमदार कामगिरीमुळे त्याला सामनावीर म्हणून घोषित करण्यात आले. या आधी त्याने आधीच्या दोन सामन्यात सामनावीर पुरस्कार मिळवले होते. रत्नागिरीतील अविराज याने आपल्या दमदार कामगिरीमुळे इंग्लंडमध्ये छाप पाडली.