सती-चिंचघरी विद्यालयात रंगली निवडणूक

- ratchl८१.jpg ः
२५N७६२४४
चिपळूण ः शालेय मंत्रिमंडळात निवड झालेले विद्यार्थी.

‘सती-चिंचघरी’त रंगली निवडणूक
सकाळ वृत्तसेवा
चिपळूण, ता. ८ ः विद्यार्थ्यांमध्ये लोकशाहीची मूल्ये रूजावीत यासाठी सती-चिंचघरी येथील सह्याद्री शिक्षणसंस्थेच्या प्राथमिक विद्यालयात घेण्यात आलेली शालेय मंत्रिमंडळ निवडणूक चुरशीची झाली. शाळेतील सर्व ३२५ विद्यार्थ्यांनी त्यात सहभाग घेतला होता. या निवडणुकीत मुख्यमंत्री म्हणून साश्रिक साळे याची निवड करण्यात आली होती.
मुख्याध्यापक अरविंद सकपाळ यांच्या संकल्पनेतून प्रत्यक्ष मतदान प्रक्रियांद्वारे शालेय मंत्रिमंडळाची निवडणूक घेण्यात आली. ३२५ विद्यार्थ्यांना मतदान प्रक्रियेबाबत माहिती देण्यात आली. निवडणूक निर्णय अधिकारी अपूर्वा शिंदे यांनी सर्व उमेदवारांना निवडणूक चिन्हाचे वाटप केले. आठ दिवस आचारसंहिता जाहीर केली होती तसेच उमेदवारी अर्ज भरून प्रत्यक्ष प्रचारही करण्यात आला. आचारसंहितेचे पालन होण्यासाठी विशेष विद्यार्थ्यांची नेमणूक केली होती. प्रत्यक्ष मतदानावेळी शाळेने विशेष तयार केलेल्या मतदान पत्रिकेवर शिक्का मारून बोटाला शाई लावत मतदान घेतले. या वेळी निवडणूक अधिकारी म्हणून शिक्षिका रश्मी राजेशिर्के व संदेश सावंत यांनी काम पहिले. दुसऱ्या दिवशी मतमोजणी करण्यात आली. तत्पूर्वी मतपेट्या विशेष कस्टडीत ठेवण्यात आल्या. निवड झालेल्या उमेदवारांनी व त्यांच्या वर्गाने या वेळी एकच जल्लोष केला. त्यानंतर शपथविधी झाला. विजयी झालेल्या दहा उमेदवारांमधून पुन्हा मतदान घेत मंत्रिमंडळाची निवड करण्यात आली.

चौकट
...असे आहे मंत्रिमंडळ
मंत्रिमंडळामध्ये मुख्यमंत्री साश्रिक ठसाळे, उपमुख्यमंत्री आयुष मोरे, शिस्तमंत्री दूर्वांक शिंदे, क्रीडामंत्री स्वराज कडव, स्वच्छतामंत्री श्राव्या शिंदे, वाचनालय मंत्री शिवांश साळवी, आरोग्यमंत्री समर्थ लाड, सांस्कृतिक मंत्री मैथिली राणे, कृषिमंत्री गौरी दाते, सहलमंत्री जान्हवी यादव यांची निवड झाल्यानंतर त्यांना मंत्रिपदाची शपथ देण्यात आली.