रस्त्यावर कोसळलेले झाड न्हावेली ग्रामस्थांनी हटविले
76261
रस्त्यावर कोसळलेले झाड
न्हावेलीवासीयांनी हटविले
सकाळ वृत्तसेवा
बांदा, ता. ८ ः सावंतवाडी-रेडी मार्गावरील न्हावेली गावातून जाणाऱ्या रस्त्यावर रात्रीच्या वेळी झाड कोसळून वाहतूक ठप्प झाली होती. मात्र, प्रशासनाची वाट न पाहता न्हावेली उपसरपंच तथा शिवसेना उपतालुकाप्रमुख अक्षय पार्सेकर व ग्रामस्थांनी ते झाड हटवून मार्ग मोकळा केला.
दोन दिवसांपूर्वी झालेल्या मुसळधार वादळी पावसात न्हावेली-चौकेकरवाडी येथे रस्त्याच्या मधोमध झाड कोसळले. सुदैवाने कोणतीही हानी झाली नाही. मात्र, काही काळ वाहतूक ठप्प झाली होती. यावेळी मुसळधार पाऊस सुरू असताना न्हावेलीवासीयांनी उपसरपंच पार्सेकर यांच्या मार्गदर्शनाखाली कटरच्या साहाय्याने झाड कापून बाजूला केले व वाहतूक सुरळीत केली. यावेळी उपसरपंच पार्सेकर यांच्यासह सरपंच अष्टविनायक धाऊसकर, विठ्ठल परब, दीपक पार्सेकर, अनिकेत धवण, पिंटो धाऊसकर, सुनील धाऊसकर, संदीप धवण आदी उपस्थित होते. दरम्यान, न्हावेली गावात रस्त्याच्या दुतर्फा धोकादायक झाडे आहेत. वारंवार मागणी करूनही अधिकाऱ्यांचे याकडे दुर्लक्ष होत आहे. जनतेच्या मागणीची दखल घेऊन झाडे तोडली असती तर प्रवास धोकादायक झाला नसता, असे उपसरपंच पार्सेकर यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.