क्राईम

मारहाणप्रकरणी
एकावर गुन्हा
मंडणगड ः विनाकारण शिवीगाळ व दमदाटी करत लाकडी दाड्यांने मारहाण केल्याप्रकरणी पंदेरी येथील नदीम अब्दुल शकूर यांच्याविरोधात मंडणगड पोलिस ठाण्यात गुन्हा दाखल करण्यात आला आहे. या संदर्भात महंमद हनिफ अलिमियाँ तहविलदार (रा. पंदेरी मस्जीद मोहल्ला) यांनी ७ रोजी पोलिस ठाण्यात तक्रार दिली होती. याबाबत पोलिसांकडून मिळालेल्या माहितीनुसार, हनिफ यांच्या घराचे काम सुरू असताना संशयित नदीम अब्दुल शकूर हा घराच्या खाली येऊन काहीही कारण नसताना शिवीगाळ करू लागला. त्याने लाकडी दांड्याने हनिफ व त्यांचा मुलगा मुस्तफा याला मारहाण केली. तसेच तक्रारदाराची पत्नी नूरजहाँ हिलाही लाथेने मारहाण केली. त्यामध्ये तिघेही जखमी झाल्याची तक्रार तहविलदार यांनी दिली. त्यानुसार संशयितांवर गुन्हा दाखल करण्यात आला असून अधिक तपास सुरू आहे.

हृदयविकाराने
एकाचा मृत्यू
मंडणगड ः भारजा नदीवर मासेमारी करुण घरी आल्यानंतर घरात बसलेले असताना अस्लम अलिमियाँ उमरोलकर (वय ४५, रा. जावळे) यांच्या छातीत अचानक दुखू लागले. त्यांना उपचारासाठी प्राथमिक आरोग्य केंद्रात नेण्यात आले. तिथे वैद्यकीय अधिकाऱ्यांनी तपासणी केली असता हृदयविकाराच्या झटक्याने त्यांचा मृत्यू झाल्याचे जाहीर केले. बाणकोट सागरी पोलिस ठाण्यात आकस्मिक मृत्यूची नोंद करण्यात आली आहे.