सावर्डेतील ३४९ विद्यार्थ्यांची रक्तक्षय तपासणी

-rat९p५.jpg-
२५N७६३५१
सावर्डे : सावर्डे विद्यालयाच्या गुणवंत विद्यार्थ्यांचा सत्कार करताना मान्यवर.
-----
सावर्डेत विद्यार्थ्यांची रक्तक्षय तपासणी
सावर्डे, ता. १० ः सावर्डे लायन्स क्लब व आनंद नर्सिंग होम यांच्या संयुक्त विद्यमाने गोविंदराव निकम विद्यालयात सावर्डे येथील ३४९ विद्यार्थ्यांची रक्तक्षय तपासणी व पालकांसाठी मधुमेह तपासणी करण्यात आली. शिबिराचे उद्‍घाटन लायन्स क्लबचे अध्यक्ष प्रकाश राजेशिर्के यांच्या हस्ते झाले. या वेळी माजी अध्यक्ष विजय राजेशिर्के, डॉ. कृष्णकांत पाटील, खजिनदार डॉ. अरुण पाटील, क्लबचे संस्थापक अध्यक्ष संजय कोकाटे, डॉ. माधुरी पाटील, ज्येष्ठ सदस्य सीताराम कदम, अशोक बिजितकर, सदस्या दर्शना पाटील, प्राचार्य राजेंद्रकुमार वारे आदी उपस्थित होते. दहावीमध्ये प्रथम तीन क्रमांकाचे विद्यार्थी आर्या नांदिवडेकर, आरोही क्षीरसागर, स्वरा सळमळकर व बारावीच्या विज्ञान, वाणिज्य, कला व एमसीव्हीसी विभागात प्रथम आलेल्या विद्यार्थ्यांना सन्मानित करण्यात आले. विद्यालयातील ३४९ विद्यार्थ्यांची रक्तक्षय तपासणी करण्यात आली तसेच पालकांची मधुमेह तपासणी केली. रक्तक्षय तपासणीची माहिती संग्रहित करून जिल्हा आरोग्ययंत्रणेस दिले जाणार आहे.
---